أنا ابن أصول أبا عن جد.. نجيب ساويرس يكشف ملامح نشأته وطفولته.. ويحكي عن مشروعاته وآماله

نجيب ساويرس: أنا ابن أصول أبا عن جد وأمي علمتنا العطف على الفقراء.. سياسة "المنع" لا تصلح.. أفكر في إنشاء قناة فضائية اقتصادية.. عندي مشروع ضخم بالإمارات وأتمنى الاستثمار في ليبيا..
حل رجل الأعمال المهندس نجيب ساويرس، ضيفًا على الإعلامي الإماراتي عامر بن جساس عبر برنامجه "المغرد" المذاع على قناة "أبو ظبي"، وتحدث عن الكثير من الملفات أبرزها طموحاته الاستثمارية، وموقفه من حكم وفكر جماعة الإخوان، ورسالته لمحمد مرسي، وتذكر درس والدته له، وصداقته بوالده رجل الأعمال الراحل أنسي ساويرس، والدول المحببة لقلبه، وسمات عن شخصيته، والعبارة التي يود كتابتها علي قبره، وسر استيائه من الفنان هاني شاكر، ومفهومه عن الحرية، وحقيقة إنشائه قناة فضائية، ونصيحته للشباب الطامح للنجاح.. فإلى الحوار كاملا:
صراحة ودبلوماسية نجيب ساويرس
قال رجل الأعمال المهندس نجيب ساويرس: "في تغريداتي علي تويتر أنا صريح لأني صريح وهذا ليس له دخل بالقوة أو الضعف".
شخصية نجيب ساويرس
وتابع: "معروف عني إن اللى في قلبي على لساني".
دبلوماسية نجيب ساويرس
وأضاف: "كان دايما أخويا يتريق عليا ويقولي كان لازم تشتغل في الدبلوماسية لأنك لا تمت للدبلوماسية بصلة".
دول يحبها نجيب ساويرس
وكشف نجيب ساويرس، عن الدول التي يحب التعامل مع شعوبها إلى جانب حبه وعشقه لمصر.
3 دول يحبها نجيب ساويرس إلى جانب مصر
وقال: "البلاد اللى قريبة مننا ونفس الطباع هي إيطاليا والبرازيل وكوبا، ودايما شعوبها بتضحك وتهزر ومحبة للحياة وبتاخد الدنيا ببساطة وعلشان كده بحب هذه الدول".
https://www.youtube.com/shorts/not392YltJ8
خفة دم المصريين ومواطن الدنمارك
وتابع: "أنا مقدرش ألاقي نفسي مصاحب واحد من الدنمارك مثلا، بحب الشعوب اللى بتضحك ومحبة للحياة زينا، والمصريين مشهورين بالنكتة وخفة الدم، وأنا أحب الشعوب اللي طباعها زينا".
مفهوم الحرية عند نجيب ساويرس
وكشف رجل الأعمال المهندس نجيب ساويرس، عن مفهوم الحرية بالنسبة له، قائلا: "الحرية حق الإنسان في التعبير عن رأيه حتى لو لم يعجب الآخر".
https://www.youtube.com/shorts/ksdWr5uQuI8
كراهية نجيب ساويرس للديكتاتورية
وأضاف: "مبحبش الديكتاتوريات ولا أحب الشخصيات الظالمة اللي بتظلم واللى مستعفية وحاسس إن هو في مركز قوة فيعتدي على الضعيف".
بلوك تويتر
وتابع: "أنا اللى بيشتمني على تويتر بعمله بلوك، وبعد كده لازم يعمل حساب جديد علشان يرجع يشتمني تاني".
تغريدة ساويرس
وكشف رجل الأعمال المهندس نجيب ساويرس، سر تغريدته على تويتر التي قال فيها "اللى مش عاجبه ميتفرجش واللى عاجبه يتفرج".
حرية الاستماع للألوان الغنائية
وأوضح: "كنت أقصد توصيل رسالة محددة، يعنى مثلا اللى مش عاجبه الأغاني الشعبية ميسمعهاش اقلب القناة واسمع أم كلثوم".
مقصد الحرية المطلقة
وأضاف: "أنا مع الحرية المطلقة، وإيه المانع نسمح بكل شيء طول الوقت، وكل إنسان حر واللى بيحاسب في الآخر ربنا".
https://www.youtube.com/shorts/CtFNCzyx_r8
الثورة التكنولوجية
وتابع: "في ظل الثورة التكنولوجية الموجودة دي المنع والقفل أصبح غير ممكن، واللى عايز يتفرج على الغلط هيلاقي مخرج إنه يتفرج عليه، وعلشان كده قناعتي الشخصية تقف مع الحرية المطلقة، وفي الآخر اللى هيحاسب ربنا، ومش من حقي أمنع حد من حاجة".
إنشاء قناة فضائية
وقال رجل الأعمال المهندس نجيب ساويرس: "أنا مع الحرية بشرط عدم الإساءة أو التجاوز، ومرة مذيعة أساءت للشعب المغربي ورفضت تعتذر، فقررت إنها تمشي من القناة اللي كنت أملكها".
وأكد: أفكر في إنشاء قناة جديدة تتعامل في الاقتصاد والمال باعتباره مجالي.
سياسة المنع
ولفت: "سياسة المنع في عصر السوشيال ميديا والثورة التكنولوجية غير ممكن، ولو أنا عايز اسمع محمد رمضان وأنت عايز تسمع عبد الحليم حافظ كل واحد حر".
طموح الاستثمار في ليبيا والإمارات
وكشف رجل الأعمال المهندس نجيب ساويرس، عن الدول التي يرغب في ضخ استثمارات جديدة بها.
طموحات الاستثمار في ليبيا
وأكد "ساويرس":"عندي طموحات في يوم من الأيام اني اروح استثمر في ليبيا لأنها كانت الانطلاق لوالدي أنسي ساويرس".
مشروع ضخم في الإمارات
وأضاف: "عندي مشروع ضخم هعمله في الإمارات، وبحس إني مرحب بيا في الإمارات، وميزة البلد دي في شعبها المتحضر، واقتصادها الحر الرأسمالي اللي مفيهوش كوكتيل رأسمالي اشتراكي، وفيه سهولة تكوين الشركات، ومنافسة شديدة"، مازحًا: "اللى ناقص في الإمارات هي المشاكل أو التحدي".
عبارة يرغب ساويرس في كتابتها على قبره
وكشف رجل الأعمال المهندس نجيب ساويرس، عن الجملة التي يرغب في كتابتها على قبره بعد وفاته.
وقال: "عندي كلمة واحدة عايزهم يكتبوها على قبري، هنا يرقد رجل لم يستطع إنسان على وجه الأرض أن يلوي ذراعه".
كرامة نجيب ساويرس
وأكد "ساويرس": "ممكن أخسر كل حاجة في حياتي ولكن مخسرش نفسي، ولكن الحب ملهوش حل".
نجيب ساويرس يكشف تفاصيل رسالته ل"مرسي" أثناء حكم الإخوان
نجيب ساويرس يستذكر والده باكيًا: "أنا ابن أصول أبا عن جد"
بكاء نجيب ساويرس
بكى رجل الأعمال المهندس نجيب ساويرس، أثناء حديثه عن والده رجل الأعمال الراحل أنسي ساويرس مؤسس مجموعة أوراسكوم، قائلا: "والدي كان أصيلا".
صداقة نجيب ساويرس لوالده الراحل
وقال: "أنا كنت أعز صديق لوالدي ووالدي كان أعز صديق ليا".
إنسانية أنسي ساويرس
وتابع: "والدي كان أصيل مع أصحابه وكل الناس اللى يعرفهم، وكنا دايما نتريق عليه لما نخش عليه المكتب نلاقي عنده 50 واحد".
أصالة نجيب ساويرس
وأضاف: "سر أصالتي هو والدي وكذا جدي اللي كان نقيب المحامين، وجدتي اللي كانت تحكم بلد وشخصيتها قوية".
حكم جماعة الإخوان
وأكد رجل الأعمال المهندس نجيب ساويرس: "جماعة الإخوان بتعتبر المسلم اللى مش منهم كافر فما بالك علينا إحنا بقى".
موقف ساويرس خلال حكم الإخوان
ولفت: "وقت حكم الإخوان كنت مفرغ نفسي إن كل لما يعملوا حاجة أرد".
فشل الإخوان
وأضاف: "الإخوان منتهوش بس التجربة بتاعتهم اللى فشلوا فيها فشل ذريع عملتلهم نكسة شديدة جدًا وهيحتاجوا وقت طويل جدًا علشان يتعافوا منها".
رسالة ساويرس لمحمد مرسي
وأشار: "وقت حكم الإخوان قلت لمحمد مرسي إن مصر أكبر منك واللى انتوا بتعملوا ده غلط ونهايته مش كويسة، ولو فاكر إنك الملك وإحنا العبيد يبقى عندك مشكلة".
رسالة والدة نجيب ساويرس
قال رجل الأعمال المهندس نجيب ساويرس: "أنا مش متابع هاني شاكر على تويتر، ولا بسمعه، وأنا رأيي الشخصي إن ربنا عمره ما هيسامح في قطع الأرزاق، وده اللى بطبقه عندي في الشركات، والحاجة الوحيدة اللى بفصل فيها العامل أو الموظف لما يكون الشخص سارق، ولو كان العامل كسول بنصبر عليه وبنشطه إنما عمرنا ما بنفصله".
دعم الله لساويرس
وأوضح:"أنا لا شيخ ولا قسيس ولكني مؤمن وعارف إن ربنا معايا".
درس والدة ساويرس
وأضاف "ساويرس": "السر في روحي الإيمانية نشأتي ووالدتي اللى كانت بتاخدني عند حي الزبالين ونشوف الناس عايشين إزاي وتقولنا لما تكبروا متنسوش الناس دي وتحمدوا ربنا على النعمة اللى في إيديكم".
نصيحة ساويرس للشباب
وجه رجل الأعمال المهندس نجيب ساويرس، نصيحة للشباب الطموح الذي يسعى للنجاح في ظل الأزمات التي يمر بها العالم.
نجيب ساويرس يقدم روشتة نجاح للشباب الطموح
شدد على رفضه "قطع الأرزاق".. نجيب ساويرس: أمي علمتنا العطف على الفقراء
وقال: "أنصح الشباب ميستعجلوش على الرزق ولا النجاح، ولو فاكر إنك ذكي عايز أقولك إن الذكاء اللى غير مشروع والبعيد عن الاجتهاد مش هينجحك".
خيال التغلب على الصعاب
وتابع: "أقول لأي شاب متقفش عند العوائق ولازم يبقى عندك خيال وطريقة تتغلب بها على الصعاب ولا تخالف ضميرك لإن كده ربنا مش هيساعدك".
تركيز استثمارات ساويرس
وأشار "ساويرس": "تركيزي حاليًا الاستثمار في العقار، كان لدي شركة اتصالات وبعدين بعتها في وقت كويس لأن المجال ده مبقاش كويس".