أبين زين

«أبين زين.. وأقول على المستخبي.. واللي مش معروف.. وأضرب في ودعي.. وتمللي بادعي.. والمستخبي باقوله ع المكشوف»..
أهلا رئيس الوزارة.. مرحبة أهلين.. شرفتنا بس قول لي.. إحنا رايحين فين.. علشان في ناس قاعدة صاحية مفتحين العين.. وناس في هيصة وزيطة في الفشل دايخين.. وناس في وسط الشوارع قاعدة منتظرين.. يشوفوا منك حاجات تفرح الملايين.. وتقول لهم كل شيء بوضوح بدون تخمين.. علشان سمعنا كلام وخطب لها حافظين.. من قبل منك وناسها سكتك+.. على فين بقي رايحين؟.. وقول لهم عيب كدا.. الناس بقوا عارفين.. وربنا يكرمك شغل لنا العاطلين.. ورجع الأمن تاني ونضف الميادين.. م البلطجية اللي ديما ع الحرام عايشين.. ياسلام بقي لو كمان تقدر تسد الدين.. وترجع الخزنة تاني احتياطها متين.. وخلي بالك شعوب الدنيا لك باصين.. وربنا معاك وماتخافشي من التعابين.. والرمل بيقول بأن الناس معاك واقفين.. فشد حيلك بقي يارئيس وزراءنا.. وقول لنا نعمل إيه مع ناس ومش فاهمين وبكره هارجع أشوف بختك وأبين زين.