شقيق شيرين عبد الوهاب: مضربتهاش.. وبتعاني من إدمان المخدرات بسبب حسام حبيب

قال محمد عبد الوهاب شقيق الفنانة شيرين عبد الوهاب: "حكاية شيرين عبد الوهاب معقدة خالص وأنا دلوقت أختي بتتعرض لخطة سيئة من حسام حبيب وسارة الطباخ وأختي بتنهار وبتضيع، وأنا لا ضربتها ولا اعتديت عليها".
وتابع خلال مداخلة هاتفية ببرنامج "الحكاية" الذي يقدمه الإعلامي: "حسام حبيب رجع لشيرين عبد الوهاب خلال الفترة الأخيرة وجابلها العربية بتوكيل وتنازلت عن القضايا وهو لم يتنازل ولا على قضية وضحكوا عليها، وبعد كده رجعوا لبعض وبيتكملوا مع بعض علي الواتس اب وبعد كده شيرين كانت مأجرة شقة في التجمع وهي دي الشقة اللي انا رحت اجيبها منها، وجيبتها لأنها كانت بتتعاطى مخدرات هي وحسام حبيب، والنيابة العامة تحقق مع المستشفى اللى شيرين بتتعالج فيها".

وأكد: "عندما ذهبت لشقة التجمع لم اعتدى علي شيرين عبد الوهاب والمتخصصين في المستشفى هما اللى اخدوها من أجل العلاج الإلزامي، وهي بتتعاطى مخدرات منذ فترة وأمي عارفة الكلام ده".

تعاطي شيرين عبد الوهاب للمخدرات
ولفت: "دخلت شيرين عبد الوهاب المستشفى دخولا إلزاميا لأنها تتعاطى المخدرات وتقارير المستشفى أكدت تعاطيها المخدرات وتخضع حاليا للعلاج الإلزامي".
تعليق رئيس "القومي للمرأة" على أزمة شيرين وشقيقها: بنت مصرية جدعة والعنف مرفوض
بسبب الحب القديم.. التفاصيل الكاملة لازمة شيرين عبد الوهاب وشقيقها
بكاء والدة شيرين عبد الوهاب
وأشار: "والدتي عيطت وقالت لي انقذ اختك من المخدرات، ولو رقبتي هتطير مش هخرج شيرين عبد الوهاب من المستشفى إلا لما تتعالج وتخف".

بكاء شقيق شيرين
ودخل في نوبة بكاء علي الهواء، قائلا:"لاَخر يوم في عمري مش هسيب شيرين الا لما تتعالج وانقذها من عصابة الشر وترجع لفنها وولادها وحياتها الطبيعية".