أحمد سلامة يكشف عن موقف إنساني للزعيم عادل إمام معه|فيديو

قال الفنان أحمد سلامة: "اشتغلت مع الزعيم عادل إمام عددًا من الأفلام مثل المولد، واحنا بتوع الأتوبيس، وشياطين إلى الأبد".

رهان عادل إمام علي أحمد سلامة
وأضاف خلال لقائه ببرنامج "الستات مايعرفوش يكدبو" المذاع على قناة "سي بي سي": "الزعيم عادل إمام قاللى انا مراهن عليك انت نجم مصر القادم، وأنا بحبه جدا من معاشرتي له عن قرب خاصة في السفر".

موقف إنساني للزعيم عادل إمام
وتابع: "الزعيم عادل امام له معايا موقفين مقدرش انساهم لإنهم كانوا في الغربة، موقف وإحنا بنصور مشهد اللى بترمي فيه بالمياه في قبرص فدخلنا باليخت جوا البحر 2 كيلو وقتها كانت درجة الحرارة 6 تحت الصفر وبنصور المشهد بالليل الساعة 2 الصبح والناس واقفة فوق ملفوفين ببطاطين، وقالوا ليا اجهز علشان نعمل المشهد اللى بيعلقولك فيه رمانة وبتترمي فيه بالبحر فقلت لهم مش هاعمل المشهد دا انا اموت لو نزلت في التلج ده، وقتها نزلي الأستاذ سمير سيف وقال لي هو انت مش قاري السيناريو فقلت له انا قاري بس مش مكتوب في السيناريو اني هترمي في المية ودرجة الحرارة 6 تحت الصفر".

وأكمل: "راحوا للفنان عادل إمام وقالوا له أحمد سلامة مش عايز يعمل المشهد، فكان رده عليهم انتم عايزين تموتوه طبعا لأ إزاي يعمل المشهد في التلج ده، وفعلا أنقذني بموقفه الإنساني معايا، وفعلا صورنا المشهد وإحنا علي اليخت وكإنهم هيرموني بس منزلتش البحر".
الراقصة هندية تكشف سر اتصال عادل إمام بها وطلبه حضورها بشكل عاجل لمنزله |فيديو
أحدث ظهور للزعيم.. حقيقة الصور المنتشرة للفنان عادل إمام على السوشيال ميديا
ولفت: "الموقف الثاني للفنان عادل امام معايا، وانا ماشي من الفندق لقيت عليا فلوس كتير جدا وكنت صرفت الفلوس اللى معايا وجبت هدايا ومش معايا فلوس، وقتها هو اللي انقذني وقاللي خد شنطتك واستناني ولما حاولت أرد له المبلغ رفض وقال لي ايه العبط ده والإنتاج هو اللي هيشيل".