باسم سمرة: أسرة عبد الناصر زعلت مني بسبب دور المشير.. وهذه قصة مشهد تم حذفه |فيديو

قال الفنان باسم سمرة: "أحببت تجسيدي لدوري المشير عبد الحكيم عامر في مسلسل "صديق العمر" لأنه متعملش، وكان دايمًا يتعمل في الدراما والسينما بشكل مهمش".

دور يليق ب عبد الحكيم عامر
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "عملت دورًا في مسلسل صديق العمر يليق بعبد الحكيم عامر والراجل البطل ده أنا بحبه".

التحضير لشخصية عبد الحكيم عامر
ولفت: "تجسيدي لشخصية عبد الحكيم عامر تطلب منِّي دراسة وقراءة بشكل كبير وقرأت ما كُتب عنه بالسلب والإيجاب، ونفذت بناءً على رؤية المخرج وقدرت أني أنصف الراجل ده، واستحالة حد يشيل نكسة 1967 لوحده، هو كان راجل جميل وعنده صفات عظيمة وأقاربه وأولاده أساتذة وناس محترمة جدا وعلاقتي بهم كويسة".

غضب أسرة عبد الناصر
وتابع: "أسرة الرئيس الراحل جمال عبد الناصر زعلوا منِّي بسبب تجسيدي لشخصية عبد الحكيم عامر، خاصة الدكتورة هدى عبد الناصر اللي كانت زعلانة منِّي".
ولفت: "كل القادة اللي كانوا موجودين وقت النكسة يتحمِّلوا المسئولية، ومينفعش واحد يروح كبش فداء، والخسارة الكل بيتحمَّلها".
مشهد محذوف من مسلسل صديق العمر
وأشار: "هناك مشهد تم حذفه من مسلسل صديق العمر وهما رايحين ياخدوا عبد الحكيم عامر من البيت بالعافية وشالوه ورموه في سيارة الإسعاف وده كان أصعب مشهد بس حلو حلاوة، نفسي أشوف المشهد ده ويعطوني نسخة منه".
باسم سمرة عن دوره الجريء بعمارة يعقوبيان: مش أي حد يعمله وعرفت أواجه الناس بعد كده
باسم سمرة: اشتغلت مدرس رسم ونقاش ومقاول قبل التمثيل | فيديو
مشهد برلنتي عبد الحميد
واختتم: "كان فيه مشهد لعبد الحكيم عامر مع برلنتي عبد الحميد كنت عايز أعمل مشاعر أكتر بس كان ممنوع بسبب الرقابة، وأنا أصلًا ضد الرقابة، والممثل المفترض يكون رقيبًا على نفسه، والرقابة المفترض تكون أخلاقية مش سياسية".