خطاب منصور في ميزان النشطاء.. نادر: 10 دقائق تفصل بين عالم الرئيس والمونولوجست.. mickey: فين أيام الصوابع والحارات المزنوقة.. أحمد: يا دين النبي إيه الحلاوة دي

جذب خطاب الرئيس المؤقت لمصر عدلي منصور العديد من النشطاء الذين أخذوا في عقد مقارنات بين خطابه وبين خطاب المعزول محمد مرسي، وذلك من خلال هاشتاج "خطاب الرئيس" وكانت أبرز التعليقات أن الرئيس التزم في موعد خطابه الذي لم يستمر سوى 8 دقائق وحوت كل ما أراد الرئيس أن يقوله.
Abdul Elah Hatrom: "مبروك للمصريين أول خطاب رئاسي خال من الشتائم والكذب والضحك ع الدقون".
الدكتور حسن عطية: "الراجل هادي وهو بيخطب.. ملتزم بميعاده.. قصير المدة.. مرتب وواضح.. مش نطح وصوت عالي وكلام كتير ومواعيد غير مظبوطة".
حمادة البواردي: "المصداقية تعطي الخطابات حرارة أكثر من المواد البترولية".
أحمد سامي صلاح: "وخطاب يادوب 10 دقايق.. شكله كان عاوز يلحق يكمل حلقة هيفا مع رامز جلال.. الراجل قال هيطلع 9 يعني 9.. مش ناس كنت بتتطلع بعديها بيومين".
نادر سلسيلي: "عشر دقائق فقط.. تبدو كسنوات ضوئية، تفصل بين عالمين كاملين بين "الرئيس و"المونولوجست".
سارة أبو زيد: "أهم شيء حدث في خطاب الرئيس عدلي منصور أنه قال الخطاب سيبدأ 9 مساءً وبدأ 9 بالدقيقة!".
روجا: "هو بس لو يضحك شويه ابتسامه بسيطة كدة ده الشعب غلبان والله".
أحمد يوسف: "كدا أكل عيش باسم يوسف اتقطع وش هيقلش هو على مين دلوقتي؟؟؟".
هاني وحيد هانز: "أكد لنا أن مرسي بتاع إعلان لو فيه طرب سويلي".
طارق: "نظرا لما تمر به البلاد من.. وبما هو حاصل من لغط كبير.. أود أن أنوه أن اسمي هو عدلي محمود منصور وليس عدلي منصور "حفظ الله مصر".
أنا راجي: "الريس عدلي من الجيل إللي اتعلم من فؤاد المهندس كلمتين وبس".
mickey: "فين أيام الصوابع والحارات المزنوقة وال567348 والقرد والقرداتي.. يااااااااه يا عبد الصمد خطاب الرئيس يشعر بالسعادة".
A.j. Youssef: "خطاب الرئيس‬ إللي لا يرجع أيامك يا بومة لا بل صوباعه فبؤه ولا قال حارة مزنوقة ولا 67834 ولا عوض بتاع الشرقية إللي بيأجل بلطية ولا أنه على وشك أن يفعلها ولا أي حاجة يلا كانت أيام غم".
Yody_Ayach: "الخطاب مفروض 9 قمت أعمل شاي أتسلى فيه وأنا بتفرج ع الخطاب رجعت لقيته خلص أمال مرسي كان بيقعد بالساعات ولا أم كلثوم ليييه!!".
شيماء: "بعد التمجيد في الخطاب مع أنه طبيعي جدا لأي رئيس جمهورية بس إحنا نسينا المنصب ده حدش خد باله من المصالحة؟".
أحمد حسن: "وسنمضي لصياغة الوظيفة الحضارية للدولة المصرية.. سلمت يا سيادة رئيس جمهورية مصر العربية".
نون عربية: "شابووووه إللي كتب خطاب عدلي منصور.. مختصر.. موجز.. مكثف، وملئ برسائل واضحة".
أحمد إدريس: "يا ديييييين النبي إيييييه الحلاااااوة دي، أنا كنت أعرف رئيس لما كان بيمسك المايك، كان المايك بيرجع".
مصطفى مسلم: "أنا هاتجنن خطاب الرئيس 9 دقايق قال فيهم كل حاجة ابن المفكوكة كان بيخطب 3 ساعات ومبيقولش فيهم ولا حاجة.. مصر تتقدم بدون خرفان".