فريدة سيف النصر: ابويا بعد ما شافني ببدلة الرقص قالي لازم تتجوزي فورا|فيديو

قالت الفنانة فريدة سيف النصر:"دخلت مجال التمثيل بعدما حصلت علي لقب ملكة جمال الإسكندرية".

مشهد بدلة الرقص
وأشارت خلال لقائها ببرنامج "كلام الناس" المذاع علي قناة "ام بي سي مصر":"كنت بصور فيلم 4-2-4 مع المخرج أحمد فؤاد، وكنت طالعة صاروخ، والمفروض كنت في فرقة عوالم وبرقص، وكانوا هلبسوني بدلة رقص وانا معنديش بدلة رقص، فجابولي بدلة كأنها مايوه والجسم كله باين".

فيلم 4-2-4
وتابعت:"برغم ان بدلة الرقصة كاشفة للجسم ولكني قبلت البسها علشان مينفعش اقول للمخرج أحمد فؤاد لأ، وكنا معايا سمير غانم ويونس شلبي وعدوية وممثلين كبار".

موقف والد فريدة سيف النصر
ولفتت:"لما اتعرض فيلم 4-24، أبويا قاللى بعد ماشافني ببدلة الرقص لازم تتجوزي فورا، وانا ممكن أموت في اي لحظة لازم تبقى في حماية راجل، وربنا خلقك فيكي الطمع ومش بإيدك لإن تكوينك انثي، وفعلا اتجوزت علشان أمثل وكمان لقيت العريس قمر".

وقالت الفنانة فريدة سيف النصر في نفس اللقاء: "بسبب ظروفي وجوازي وحاجات كتير مكنش ينفع أتباس أو أظهر في مشاهد قبلات في الأفلام".

أمنية فريدة سيف النصر
وأضافت خلال لقائها ببرنامج "كلام الناس" المذاع على قناة "إم بي سي مصر": "أنا كان نفسي أتباس من ممثلين كتير حلوين وبيعجبوني".

زوج فريدة سيف النصر
وتابعت: "لما كنت ببقى متضايقة من جوزى أو قالبة عليه مكنتش بقدر اقرب منه ولا أبوسه لإني باكون واخدة موقف".

ضرورة المشاهد الجريئة
وأكدت فريدة سيف النصر: "أحيانا القبلات بتكون ضرورية في السياق الدرامي، مثل المغتصبون، وكل مخرج له رؤيته الإخراجية وإدارة مشهد القبلات".

فريدة سيف النصر باكية: زعلت من نفسي بسبب مسلسل "موسي"|فيديو
فريدة سيف النصر: سابوا تاريخي ومش فاكرين غير مشهد " نقفش في الفراخ"|فيديو
مشاهد القبلات
واستطردت: "برغم إني معملتش مشاهد القبلات ولكن قهروني، وقالوا عليا إني اشتركت في مشاهد ساخنة وجريئة خاصة مشهد الفراخ مع عادل إمام".