بعد أكثر من 25 سنة زواج.. بدرية طلبة عروسة في جلسة تصوير بفستان الزفاف | فيديو

قالت الفنانة بدرية طلبة: "بكرة هعمل سيشن وألبس فستان عروسة، ودا رغبة من المصمم إسلام سعد اللي شاف ليَّ برنامج وأنا بقول إني ما لبستش فستان فرح في فرحي علشان كان عندي مسرحية واتزفيت بجلبية الشخصية اللي هي حبيبة أدهم الشرقاوي".

فستان زفاف بدرية طلبة
وأضافت خلال لقائها ببرنامج "كلام الناس" المذاع على قناة "إم بي سي مصر": "أنا مش فارق معايا ألبس فستان فرح، ولكن إسلام سعد قال لي عايز ألبسك فستان زفاف فقلت له إزاي بعد ما شاب ودوه الكتاب دا أنا عندي أحفاد، قال لي سبيني أعمل دا وأنا حابب فلقيت تشجيع كبير من الناس، وهو عايز يحقق لي حاجة من نفسي إني ألبس فستان زفاف".
تريند بدرية طلبة العروسة
ولفتت بدرية طلبة: "التريند الجديد بعد أكتر من 25 سنة جواز العروسة بدرية طلبة لأول مرة في جلسة تصوير بفستان الزفاف".
بدرية طلبة: أنا اللى صالحت ياسمين عبد العزيز وأحمد العوضي على بعض|فيديو
بدرية طلبة تكشف كواليس أزمتها مع عبلة كامل في "خالتي فرنسا"
وقالت الفنانة بدرية طلبة، في نفس اللقاء: "أنا اللي صالحت ياسمين عبد العزيز على زوجها أحمد العوضي لأنها صاحبتي حبيبتي اللي بحبها".

خلاف ياسمين عبد العزيز وأحمد العوضي
وأضافت خلال لقائها ببرنامج "كلام الناس" المذاع على قناة "إم بي سي مصر": "ياسمين عبد العزيز وأحمد العوضي زي أي اتنين متجوزين حصل ما بينهم مشادة فزعلوا من بعض وبعدين اتصالحوا وربنا يهنيهم ويبعد عنهم كل حاجة وحشة".

دعم ياسمين عبد العزيز
وتابعت: "أنا بحب ياسمين عبد العزيز واللي بيقول عليا بتطبل لها أقول له أيوا بحبها وهطبل لها وأمسك رق وأتحزم وأرقص لها كمان".

ولفتت: "علاقتي بياسمين عبد العزيز مش مصلحة لكن عشرة وعيش وملح، ودعمي ليها مش علشان أشتغل معاها لأني بشتغل مع نجوم غيرها".