تامر عاشور وإلهامي دهيمة وأمين نبيل يهاجمون عمرو مصطفى بعد تصريحاته ب"حبر سري"

أثار المطرب والملحن عمرو مصطفى الجدل بعد تصريحاته، عن بعض الملحنين والمطربين في برنامج "حبر سري" والتي تقدمه الإعلامية أسما إبراهيم؛ حيث شهدت الساحة الغنائية غضبًا شديدًا من تصريحات "مصطفى".
وترصد "فيتو" من خلال السطور التالية سرَّ غضب الساحة الغنائية من عمرو مصطفى.

تامر عاشور
علق النجم تامر عاشور على تصريحات عمرو مصطفى عن بعض الملحين والمطربين في برنامج "حبر سري" والتي تقدمه الإعلامية أسما إبراهيم.
وعبَّر تامر عاشور عن استياءه من تصريحات عمرو مصطفى، وذلك من خلال حسابه الشخصي على موقع التواصل الاجتماعي "فيس بوك"؛ حيث قال خلال منشوره: "إن مقياس النجاح بالأعمال وليس بكثرة الكلام".
وأضاف "عاشور": "يعني نقيم اللي شغالين دلوقتي لما يقعدوا نفس الزمن اللي أنت قعدته ونشوف لكن تقييم دلوقتي اسمه جهل بالتاريخ.

السر في عمرو دياب
كما حرص تامر عاشور على الدفاع عن عمرو دياب مشيرًا: "روح أدي أغنيه العالم الله دي لأي حد غير عمرو دياب مكانتش هتوصل للعالمية اللي أنت فرحان بيها هي أغنيه تملي معاك محققتش عالمية؟ أكتر أغنية لعمرو دياب وصلت للعالمية هي تملي معاك ألحان "شريف تاج" مش ألحانك كلمات أحمد علي موسى - السر في عمرو دياب بس هو مش محتاج بروبانجدا".
تامر عاشور
إلهامي داهيمة
وفي نفس السياق وجَّه الموزِّع الموسيقي إلهامي داهيمة من خلال موقع التواصل الاجتماعي "فيس بوك" رسالةً شديدة اللهجة للمطرب والملحن عمرو مصطفى، وذلك بعد تصريحاته الأخيرة في برنامج "حبر سري".
وقال في رسالته لعمرو مصطفى: إنه حاول أكثر من مرة بأنه يتعامل معه كفنان تجنبًا للمشكلات، متابعًا: "طول عمري بحاول أتعامل معاك كفنان، وأتجنب مشاكل شخصيتك ومؤمراتك الخفية اللي بتعملها مع نفسك".
وكان الموزع الموسيقي إلهامي داهيمة قد نفى اكتشاف عمرو مصطفى لموهبته، مؤكدًا: "أنت لا اكتشفتني ولا عمري قولتلك والنبي شغلني ولا إعملي بالعكس.. أنت اللي عجبك شغلي من وأنا طفل كنت شغال ف شركة اسمها sense بتاعة محمد يونس المخرج وجيت اديتني جايد لأغاني، وكلها شافت النور زي مصر تحيا لأحمد جمال ويا مصر متخافيش لهاني شاكر يعني مفشلتلش زي مانت قولت".

داهيمة
أمين نبيل
كما هاجم الموزع الموسيقي أمين نبيل عمرو مصطفى بسبب تصريحاته في برنامج "حبرسري"، وذلك من خلال موقع التواصل الاجتماعي "فيس بوك" وقال: "الملحن عمرو مصطفى ردًّا على كلامك في برنامج حبر سري أولًا أنا كنت بشتغل كول سنتر وبقبض 2000 جنيه اشتغلت عشان أنا راجل بدأت من الصفر مش شايف إيه العيب في كده".
وأضاف "نبيل": "أنا عمري ما أنكرت أنك كنت سببًا بعد ربنا في أني أدخل المجال ده زي ما كان في ناس سببًا في أنك تدخل المجال ده بالعكس أنا دايمًا بتكلم عنك كويس وعلى فكرة أنا مكنتش همشي من المكتب لكن أنت اتصلت بيا اليوم ده الساعة 7 الصبح وافتعلت معايا مشكلة علشان أمشي من المكتب وأديني مشيت وناس كتير تشهد على كلامي، أنا لما مشيت من المكتب نجحت مفشلتش الحمد لله بدليل شغلي اللي نزل مع كل المطربين".
أمين نبيل
وقال الفنان عمرو مصطفى خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "قررت إني مش هلحن لحد تاني وهركز فقط في الغناء، واللي عايزني ألحن له من أصحابي القريبين مني هيدفعوا أرقام فلكية".

اكتشاف المواهب
وأضاف: "مش هكتشف حد جديد لأني ساعدت ووقفت مع شباب جديد وكانت النتيجة ضرب".

ألبوم عمرو مصطفى الجديد
وتابع: "ألبومي الجديد اللي بعمله دلوقتي وأخد شنطتي وهروح أشتغل مع اللي أنا عايزه علشان أعمل الموسيقى اللى أنا عايز أعملها، وأنا تعبت من أنا أعلم ناس جديدة لأن وقتي بيضيع".