لاعب رجع دم.. عبد الستار صبري: أعمال سحر كتير اتعملت لمنتخب مصر | فيديو

كشف الكابتن عبد الستار صبري نجم منتخب مصر السابق، مفاجأة عن تعرض المنتخب الوطني للسحر في بطولات عدَّة.

مشكلة منتخب مصر
وأكد "صبري" خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"فيه أعمال كتيرة اتعملت لمنتخب مصر من خلال الفترة اللى كنت موجود فيها".

خطة الجوهري
وأضاف: "منتخب مصر تحت قيادة الكابتن محمود الجوهري كان رايح يقابل منتخب من المنتخبات العربية القوية جدًّا ورُحنا هناك نلاعبه، واكتشفنا ان فيه واحد كان معانا على الطيارة بيفك الأعمال وأول ما نزلنا وهنركب الأتوبيس الكابتن الجوهري قال لنا خليكوا على جنب والشخص دا بقى يعمل حاجات غريبة وبيقرأ قرآن".

أمور غريبة للاعبي المنتخب
وتابع: "لما وصلنا الفندق ما رُحناش الغرف إلا لما الشخص اللي بيفك الاعمال راح الأول، وبعدين لما رُحنا على ملعب المباراة كان الكابتن الجوهري حط التشكيل وشخص كل لاعب إيه العمل اللي معمول له بشكل قوي جدًّا وتأثر في أدائه وفيه لاعب كان معانا وكان الكابتن بتاعنا وفضل يرجع دم العمل اللي اتعمله، وفعلًا اكتشفنا الأعمال اللي معمولة لنا وكان بيحصل لنا حاجات غريبة".

هزيمة المنتخب بسبب السحر
وأشار: "الراجل اللي جِبناه علشان يفك الأعمال بعد كل اللي عمله اتغلبنا".
وقال عبد الستار صبري نجم منتخب مصر السابق، في نفس اللقاء: "موسيماني ما ظلمش محمود كهربا، واللاعب في الفترة الأخيرة ما كانش ملتزم".

انتهاء مشوار كهربا مع الأهلي
وأضاف: "كهربا اللي ظلم نفسه في النادي الأهلي، ومشواره مع الأهلي انتهى خلاص".
التزام اللاعبين
وتابع: "أنا بقول للاعب الكرة أن أهم حاجة لازم تكون عند الالتزام ودي اللي هتخليك تكون متواجد بشكل أساسي ومستواك بيتطور".
عبد الستار صبري: كهربا مشواره انتهى مع الأهلي.. وهذا رأيي في شيكابالا | فيديو
شوبير: كيروش يذكرني بمحمود الجوهري في رسائله التحفيزية
احتراف شيكابالا
ولفت: "شيكابالا لو كان كمل في الاحتراف كان هيكسر الدنيا علشان لاعب حريف ومميز وكان هيبقى حاجة كبيرة، وكان ماشي بشكل كويس في باوك اليوناني ولكن هو فضل يرجع لأنه من النوعية اللي ما بتحبش الغربة".