دلوقتي الشغل بيدور عليا.. رد قاسي من محمد رمضان على انتصار

خرج الفنان محمد رمضان عن صمته للرد على تصريحات الفنانة انتصار، التي أدلت بها في أحد القنوات الفضائية، مساء أمس الثلاثاء.

ونشر "رمضان"، عبر حسابه الرسمي على موقع "فيس بوك"، صورة تصريح الفنانة انتصار معلقًا بقوله: "كنت بدور على شغل يا انتصار.. دلوقتِ الشغل بيدور عليَّ.. الحمد لله"
وكانت الفنانة انتصار، قالت إن علاقة وطيدة تجمعها بالفنان محمد رمضان، موضحةً: "ما زعلش مني لما قلت إنه مش نمبر وان، علاقتي قوية به بدرجة أكبر من إنه يزعل منه".

وأضافت انتصار، خلال حوارها مع الإعلامية بسمة وهبة مقدمة برنامج "العرافة"، على قناة "المحور": "بمثل له حاجة مهمة، وهو يمثل لي ذكرى مهمة ذكرني بها، كان لسه مش معروف وصغير شوية عن كده، كان بيمشي مع صاحب شبهه أوي في مسرح البالون، وكان بشنطة هاند باج على كتفهم كأنهم خارجين من المدرسة".

وتابعت: "دخلوا مسرح البالون، كنت واقفة مع الفنان الراحل إبراهيم نصر، والمخرج الراحل محسن إبراهيم جوه الخشبة، ولقيت 2 صغيرين ورفيعين، كنا بنعمل حاجة للشغل، وأنا الوحيدة اللي انتبهت لمحمد رمضان وصحبه، فقال لي إحنا بنلف في المسارح وبندور على شغل وفرص، وقلت له أنت عاوز تعمل إيه، إحنا بنعمل بروفات وممكن المخرج يزعق".

وأردفت: "محمد رمضان كان عارف إن ده محسن حلمي وقال لي عاوزين نوري له إننا بنعرف نمثل، فاستأذنت المخرج، ولما لقاني متحمسة قالي هاتيهم، قلعوا الشنط وقلد أحمد زكي أو محمد سعد وجابه بالظبط، وزميله عمل الشخصية التانية، وقعدوا وقت كتير، فأنا صقفت، وقلت لهم لازم يمشوا، عشان كنت خايفة أتشاط من المخرج وإبراهيم نصر، وفضلت أساعدهم عشان كنا بالليل".
وواصلت: "كنا في مهرجان القاهرة السينمائي الدولي، تم عرض فيلم له سوسن بدر، وسلم عليّ، وقال لي إزيك يا انتصار، فقال لي أنتِ مش فاكرة؟! قال لي أنا الولد الصغير اللي كان معاه صاحبه على مسرح البالون وفكرني بالموقف.