شافتني واختفت.. حسن يوسف يكشف ماذا فعلت معه سعاد حسني في أيامها الأخيرة بلندن | فيديو

قال الفنان حسن يوسف: "سعاد حسني توفيت بشكل لم نكن نتوقعه، وقبلها بشهر روحتلها لندن أنا وشمس البارودي علشان نرجعها مصر لكنها عرفت بزيارتنا واختفت".

قصة حزن سعاد حسني
وأضاف خلال الجزء الثاني من لقائه ببرنامج "كلام الناس" المذاع على قناة "إم بي سي مصر": "شوفت سعاد حسني في لندن لما كان ابني محمود بيعمل دبلومة في إنجلترا، معرفتهاش وزعلت، والقصة أننا دخلنا الفندق قبل الإفطار في رمضان ب10 دقايق لقيت واحدة بتقولي إزيك يا حسن فقولتلها أهلًا وسهلًا، فقالتلي إنت مش عارفني، قولتلها إحنا كنا مع بعض في الطيارة ولا فيه معرفة قديمة يعني، فقالتلي أنا سعاد حسني، وقفت اتسمرت وأخدتها بالحضن وقلت إزيك وإزي صحتك ومعلش أصلًا أنا صايم وماخدتش بالي وهي طبعًا مدخلش عليها الكلام ده، قولتلها استنى بقى هنفطر سوا ونتكلم مع بعض طلعت حطيت الشنطة ونزلت ملقتهاش، وعرفت أنها أخدت تاكسي ومشيت، قلت هتيجي بكرة لأنها مقيمة في الفندق وزوجة صاحب الفندق كانت عارفة ظروفها وأعطتها جناحا خاصا بها بدون مقابل، وانتظرتها 10 أيام أنها ترجع الفندق مرجعتش".
رغبة شمس البارودي
وتابع: "لما رجعت مصر وحكيت لشمس البارودي قصة سعاد حسني قالتلي دي صدمة كبيرة ليها أنك معرفتهاش، فكنا رايحين نزور ابني محمود وشمس معايا، وكانت مراتي مصممة ترجعها معانا، وأول موصلنا الفندق بتاعها اختفت".
حسن يوسف عن سعاد حسني: كانت بتحكيلي على مشاكلها الخاصة.. ومرة رحتلها البيت الفجر بالروب
حسن يوسف: اعتزال شمس البارودي كلفني 40 ألف دولار.. وهذا السبب الحقيقي لتركها الفن
وقال الفنان حسن يوسف في نفس اللقاء: "اشتغلت مع سعاد حسني كتير أوي من أول بطولة ليها في فيلم "مفيش تفاهم" والكيميا الفنية بتاعتنا كانت متوافقة مع بعض، فعملوا بينا سلسلة أفلام "حكاية 3 بنات" و"الثلاثة يحبونها" و"فتاة الاستعراض" وعملنا مع بعض حوالي 12 فيلما".

مشاجرة سعاد حسني
وأضاف: "كنا أنا وسعاد حسني زي الإخوات، ومجمعناش قصة حب لدرجة أنها كانت تشتكي لي من مشاكلها الزوجية الخاصة وكانت متزوجة من صديق لينا مصور اسمه صلاح كريم وكانوا يتخانقوا الساعة 2 الصبح تكلمني الحق صلاح عايز يضربني أنزل أجري بالبيجامة الروب وهي جنبي في الزمالك".

حياة سعاد حسني
وتابع: "سعاد حسني الله يرحمها لم تر السعادة إلا في الأفلام اللي صورتها، أما ما وراء الكاميرا بؤس وتعاسة وسوء حظ في الزواج والأصدقاء، وتوفيت بشكل لم نكن نتوقعه".