مصطفى درويش: الأزهر حسم معجزة المعراج.. يا ريت نقفل الموضوع

علق الفنان مصطفي درويش ، على حسم الأزهر لمعجزة معراج النبي وتأكيد حدوثها على النحو الوارد بالقرآن الكريم، مؤكدًا أنه المرجعية الوحيدة له وللمسلمين.
وكتب مصطفى درويش عبر حسابه الشخصي ب فيس بوك: الأزهر قال كلمته ونصر الحق، ممكن مسمعش صوت معارض لو سمحتم، لأن إحنا مرجعيتنا الأزهر وأنا ولا شيخ ولا حاجه أنا لسه باديء انتظم في الصلاة من قريب، وكان بعد مشكلة حصلتلي فقربت من ربنا واعتذاري عن الفيلم، جالي في أصعب ظروف.
وتابع مصطفى درويش: محدش عارف عنها حاجه محتاج ماديات فعلا، ومحتاج شغل لأني لسه في أول الطريق فأكيد اعتذاري عنه كان على عيني بس ديني أهم، وأنا لا غلط في الأستاذ إبراهيم ولا غلط في حد، أنا بس أخدت قرار أدافع عن الصلاة اللي بصليها، والإسلام اللي هو ديني ودين أمتي.
وأوضح: لو كان الأستاذ غلط في أي ديانة مسيحية أو غيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية وأسكت، ونقفل الموضوع ده علشان أخد أكبر من حجمه.
يذكر أن الفنان مصطفى درويش، كان قد اعلن مقاطعة أي برنامج للكاتب إبراهيم عيسى، والاعتذار عن فيلم الملحد الذي يشارك فيه، وهو من تأليف الثاني، وذلك بسبب إنكار الإعلامي لمعزة معراج النبي.