مصطفى درويش يكشف سبب اعتذاره عن فيلم "الملحد"

كشف الفنان مصطفى درويش، سبب انسحابه من فيلم "الملحد" بعد رفضه لبعض آراء الكاتب إبراهيم عيسى.
وكتب مصطفى درويش، عبر صفحته بموقع التواصل الاجتماعي فيس بوك: "الأزهر قال كلمته ونصر الحق، ممكن مسمعش صوت معارض لو سمحتم، لأن احنا مرجعيتنا للأزهر وأنا ولا شيخ ولا حاجة، أنا لسه بادئ انتظم في الصلاة من قريب، وكان بعد مشكلة حصلت لي، فقربت من ربنا".
وأضاف: "اعتذاري عن فيلم الملحد جاء في أصعب ظروف محدش عارف عنها حاجة، محتاج ماديات فعلا ومحتاج شغل لأني لسه في أول الطريق، فأكيد اعتذاري عنه كان على عيني، بس ديني أهم وأنا لا غلطت في الأستاذ إبراهيم ولا غلط في حد".
وتابع: "أنا بس أخدت قرار أدافع عن الصلاة اللي بصليها والإسلام اللي هو ديني ودين امتي، ولو كان الأستاذ غلط في أي ديانة مسيحية أوغيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت، نقفل الموضوع ده علشان أخد أكبر من حجمه".
أعلن الفنان مصطفي درويش عن مقاطعته لبرامج الإعلامي إبراهيم عيسي وإعتذاره عن استكمال تصوير فيلم "الملحد".
وقال درويش عبر حسابه علي الفيس بوك "قررت انا مصطفي درويش بمقاطعه أي برنامج لإبراهيم عيسي والاعتزاز عن فيلم الملحد اللي صورت فيه 4 أيام بسبب أن مؤلف القصة هو إبراهيم عيسي لأن واضح أن الحرب دي ممنهجة وأنا مقبلش أبدا أكون أداة للحرب ضد ديني ولو الثمن هيكون ايه اسف جدا وبعتزر لكل فريق العمل مش هاكمل في القرف ده".
وكان الإعلامي إبراهيم عيسى، قد أثار حالة من الجدل بعد تصريحاته حول واقعة الإسراج والمعراج، وتأكيده بأنها من خيال شيوخ السلفية.