علا غانم: كنت بشتغل زي الحمار.. وفيه حاجات كتير عملتها مش عجباني | فيديو

قالت الفنانة علا غانم: "أنا سعيدة أني رحلت عن مصر وكنت بجانب بناتي في أمريكا، وكنت خايفة أنهم يتجوزوا وأنا مش جنبهم ولكن الحمد لله ربنا أعطاني الفرصة أعيش معاهم".
حفيد علا غانم
وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "عندي حفيد واحد اسمه زين، وعمره سنة وشهرين وحاجة جميلة".
9 سنوات من الخسائر
وتابعت: "خسرت كتير خلال ال9 سنين اللي كنت فيهم بعيدة عن بناتي.. خسرت مشاعري بس مخسرتش حاجة تانية، والحمد لله روحت وعشت معاهم وجوزت الصغيرة الأول وبعدين كاميليا".
جامعات أمريكية
وأشارت: "كنت بشتغل زي الحمار علشان بناتي وهم دخلوا جامعات من أهم 5 جامعات في العالم، ووالد بناتي قاللي اللي عملتيه لبنتك معملهوش رجالة مع أولادهم، ومرفضتش طلب لبناتي".
أعمال فنية كثيرة
ولفتت: "كنت بعمل فيلمين ومسلسلين في السنة، وفي سنة من السنوات عملت 5 أعمال في سنة من السنوات لما الدولار رفع قصاد الجنيه علشان أوفر لبناتي اللي هم عايزينه".
مسلسل جسر الخطر
وأكدت: "مسلسل جسر الخطر تسبب في انطلاقتي الفنية وفرش السجادة لي في التمثيل، والناس عرفت شكلي واسمي من خلال العمل".
لا عايزة جرايد ولا صوري علي أغلفة مجلات.. #علا_غانم: عايزة أستمتع بشغلي وبس وفيه حاجات كتير عملتها مش عجباني وقبولي لها كان بسبب مصروفات البنات
#لميس_الحديدي#كلمة_أخيرة #ON pic.twitter.com/lzt2QjZFU2
— كلمة أخيرة مع لميس الحديدي (@KelmaAkhira) June 26, 2021
جيل منى زكي وحنان ترك
وأضافت: "أنا من جيل منى زكي وحنان ترك، ودخلت التمثيل مع نيللي كريم ولو كنت ال4 سنوات اللى فاتوا في التمثيل كنت وصلت لنجومية منى زكي ولكني ظروفي الخاصة أجبرتني أعيش بشكل معين ومش موجودة في المكانة دي وكان لازم أمشي وأكون بجانب بناتي".
العودة للتمثيل
وأشارت: "نفسي أستمتع بالشغل، وعايزة أنزل مصر أعمل في شهرين تلاتة دور الناس تنبسط مني وأنا أكون مبسوطة وأمشي ومش عايزة حاجة تانية.. لا عايزة جرايد ولا صوري على أغلفة مجلات.. عايزة أستمتع بشغلي وبس، وفيه حاجات كتير عملتها مش عجباني وقبولي لها كان بسبب مصروفات البنات".