ريهام سعيد عن مرضها: "كنت خايفة مناخيري تقع وأنا بسجد للصلاة"

تزايد البحث على جوجل عن تفاصيل مرض الإعلامية ريهام سعيد
وذلك بعد ظهورها في حلقة من برنامج شيخ الحارة والجريئة على شاشة قناة القاهرة والناس في ضيافة المخرجة إيناس الدغيدي مقدمة البرنامج.
وفى وقت سابق للحلقة كشفت ريهام أن مرضها يشابه ما تعرضت له الفنانة حورية فرغلي بالضبط.
وقالت ريهام ببرنامج صبايا الخير وقتئذ: "المفروض أعمل عملية حورية فرغلي وكان عندي نفس مرض حورية فرغلي والفرق بيني وبينها في مرض مثلث الموت إن أنا الدكتور قال لي لازم تشيلي مناخيرك وتقعدي 6 شهور من غيرها يا إما هنفضي ودانك ونحط غضاريف ونشوفها هتثبت ولا لأ، الفرق إن ربنا سترها معايا وثبتت الغضاريف اللي خدتها من وداني اللي فضيت وفيه ناس بتشوفني على السوشيال ميديا وتقعد تتنمر وتقول اية النفخ اللي هي عاملاه وأنا بقالي أكتر من 4 سنين ملمستش وشي خالص في أي حاجة وممكن أكون شكلي اتغير وبقي أوحش لأني ما بقاش عندي مناخير، مناخيري كانت طويلة ووداني اتفضت فبقت حتة صغيرة وبانت خدودي كبيرة أوي ووشي أكبر ومبقتش أقدر أسجد لأن مناخيرى ممكن تقع".
وأضافت ريهام سعيد:"إعلاني لمرضي بعد قرار وقفى من الظهور الإعلامي مكنش محاولة لاستعطاف الناس زي ما اتقال".
فترة الإيقاف
وأوضحت خلال لقائها ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"انا أتوقفت بعد مرضي ب 6 شهور ".
مرض ريهام سعيد
وتابعت: "أنا شيلت مناخيري 3 مرات في شهر بالغضاريف وحطيت وداني في مناخيري لأنى كان عندي مشكلة صحية في مثلث الموت" .. أنا اصلا بنت ناس قبل لما أكون اعلامية واللى يعملوا نفسهم عيانين دول عندهم نقص.. إزاي ولادي وأهلى يبقوا عارفين انى بكذب علي الناس..انا واحدة عندي 45 سنة ايه الهيافة انى اطلع اكذب علي الناس واستغل المرض من اجل الشهرة ..اسألوا حورية فرغلي عن مرضها وانا كنت زيها".
وقالت ريهام سعيد: "نزار الفارس أخطأ في أزمته مع الفنانة رانيا يوسف لأنها طلبت منه حذف الإجابة على أحد الأسئلة ووعدها بالاستجابة لمطلبها ثم خالف وعده" .. هو مذيع مش مصري ورانيا يوسف مكنتش عايزة تخسر جمهور العراق".