مشادة بين الملحن عزيز الشافعي وأحد متابعيه بسبب الاحتكار

أعرب الملحن عزيز الشافعي عن سعادته بنجاح أغنية "الدنيا حلوة" للفنان عمرو دياب التي حققت 11 مليون مشاهدة عبر موقع "يوتيوب".
وكتب عزيز الشافعي عبر موقع فيس بوك:" هنا باديه العشرة ب أجمل صحبه وأحلى جيران هنا كل حياتنا وهنا حكايتنا ف كل مكان هنا لما بتتعب تلقى فلان وفلان، و11 مليون فلان ف أسبوعين مجموع مشاهدات على اليوتيوب بس و16 مليون تقريبا على الفيس بوك بس".
وتلقى الملحن عزيز الشافعي تعليقا عنيفا من أحد متابعيه قائلا: "احتكار مفيش نص فرصة لحد جديد بيكتب والفكرة إنك ممكن تلاقي حد جديد بيكتب كويس بس عشان إثمه مش معروف محدش هيبصله".
وأضاف: "طبعا الرد إن شغلك اللي هيبان اسمك بيه والكلام ده مبقاش هو الصح.. الدايرة فيها كام مطرب بيشتغلو مع كام ملحن ومؤلف وموزع واقفل الدايرة على كدة".
وجاء رد عزيز الشافعي علي التعليق كالاتي: "الاحتكار أزاي بس هقولك شوية تفاصيل سريعا كل شهر تقريبا بيطلع ناس جداد مشكلة الإنتاج الموسيقي هو أنه مفيش شركات ده بيقلل عدد الألبومات و ممكن تعدهم على صوابعك ده بالتبيعية بيقلل الشغل و بيقلل عدد الشعراء والملحنين الشغالين"
وتابع عزيز: "بالعكس دلوقتي فرصة الجداد احسن عشان اجرهم اقل ف لو موهوبين بيوصلوا هو بس قيه حد موهوب و فيه 1000 حد موهوم و فبه حد بيسعى و يخبط عالبيبان و الشبابيك و في حد قاعد ف مكانه و بيتكل على فرصة يلاقيها بالصدفة ف صاحب او قريب از كومنت عالفيس بوك يهاجم فيه ناس كانوا زيه بس معملوش زيه بتمنالك التوفيق".
أغنية الدنيا حلوة
الأغنية من كلمات تامر حسين، ألحان عزيز الشافعي، توزيع عادل حقي، ميكس وديجيتال ماستر أمير محروس.
عمرو دياب
على جانب آخر طرح عمرو دياب مؤخراً ألبومه الغنائي الجديد «يا أنا يا لأ» في الأسواق، ويحوي 11 أغنية بالإضافة إلى نسخة ريمكس من أغنية «محسود» وحصدت أغنية محسود أكثر من 6 مليون مشاهدة عبر موقع الفيديوهات «يوتيوب».