status&tweets

أحمد أبو الخير: موقع "إخوان أون لاين" مش هيبتدى ينشر أخبار عن الأسطول الأمريكي اللى راكن فى ترعة المريوطية بقى؟!
وفاء حسن: وتشكل منتخب مصر اليوم من 11 لاعبا.. أسماؤهم كالآتي: "محمد صلاح"!
مؤلش: تشهد تلك الفترة موجة ارتقاء في المستوى الفني والثقافي لدى سواقين الميكروباصات والتكاتك؛ حيث إنهم مابقوش يشغلوا غير أغاني نقيب المهن الموسيقية نفسه!
إخوان مقطف بودان: مرسي لو اتفرج علي نفسه وهو بيخطب هينزل معانا يوم 30 يونيو.. حقيقة!
مؤلش: أهم مؤسسات الإنتاج الفني في العالم: أمريكا – هوليوود.. الهند – بوليوود.. نيجيريا – نوليوود.. مصر - صلاح عبدالمقصود!
محمد عباس: دكتور الدايت قال لى: تاكل ربع رغيف وبيضة وطبق سلطة 3 مرات في اليوم، قلت له: أيوه.. يعنى الحكاية دى 3 مرات قبل الأكل ولا بعد الأكل؟
محمد كريم: س: من قائل "هى أشياءٌ لا تُشترى", وما المقصود بها؟
ج: قائل هذا البيت هو عم فايز بتاع الكبدة.. والمقصود به هو المخلل وقرون الفلفل الأخضر.. حيث تقدم هذه الأشياء مجاناً مع الساندوتشات!
فارس العيساوي: لكل فعل رد فعل مساوٍ له فى المقدار من باب النفسنة.. ومضاد له فى الاتجاه من باب العند..
ياسر العوضي: كان زمان اللى يقول الحق كان بيتعذب ويتقتل ويستشهد.. دلوقت اللى بيقول الحق آخره يتحذف أو يتبلّك.. ومع ذلك الناس بردو بتخاف تقول الحق..
غادة حمزة: شد القلوع يا برادلي.. ده مفيش رجوع يا برادلي..
صلاح مندور: تمتلك مصر نصف مخترعي العالم وتحتفظ بهم في مكان سري مكتوب على بابه "لجنة وضع امتحانات الثانوية العامة"!
هدى سلامة: يحط كيس جِل بربع جنيه.. وكيس برفيوم بنص جنيه.. ويقول لك أصلا الشياكة عنواني..
وليد عزازي: علاقة أحمد آدم بالاستاند آب كوميدي عاملة زي علاقة مرسي بالرئاسة..
أبو نسمة الأسطورة: ملخص خطاب قنديل في مجلس الشورى.. الوضع مطمئن.. بس مش أوي.. هو الصراحة يعني خطير بس مش جدا إثيوبيا دي دولة وحشة.. بس محترمين والله..