بالفيديو.." يوسف" لوزير الري: أحسنلك تدور على حتة تانية تشتغل فيها

سخر الإعلامي باسم يوسف خلال برنامجه "البرنامج" الذي يقدمه على قناة "سي بي سي"، مساء أمس الجمعة، من تصريحات وزير الري، قائلا: "اللي كان متفاجئ قبل كدا بدأ يحضر نفسه وياخد باله بقا من السد"، مضيفا: "إنجاز لينا لأننا أول بلد في العالم تلبس 20 سدا على سهوة بعد الثورة".
وأضاف "يوسف" لوزير الري الذي قال في تصريحاته، إن إثيوبيا شرعت في بناء السد نتيجة لانشغال المصريين في الثورة، قائلا: "شاركتوا في الثورة ماشي، ركبتوا الثورة وجيتوا للحكم عدناها، لكن مش كل حاجة تقولوا كنتوا مشغولين في الثورة".
وسخر أيضا من الوزير عقب عرضه لفيديو له على قناة الحياة قائلًا: "طيب بعد ما فوقت من غيبوبتك، أكيد إنتا جاهز دلوقتي، لأزمة السد وأيضا لم يجب الوزير بإجابات مفيدة وقال يوسف: أنا مين أنا فين أنا مش أنا، وعرض صورة للسيدة أم كلثوم مكتوب عليها سد إيه اللي إنتا جاي تقول عليه".
وقدم سؤالا مباشرا لوزير الري: السد هيأثر أم لا؟.. مضيفا بص حضرتك أنا مش متخصص لكن معلوماتي إنه سد يحتاج إلى 4 أو 5 سنوات إلى ملئه وهو هيقلل من حصة مصر وساعتها هنعاني من نقص مياه والكهرباء وتصريحاتك تدل على عدم وعيك بشغلك وأحسنلك تدور على حتة تانية تشتغل فيها.
وعرض "يوسف" فيديو لوزير الري مع الإعلامي عمرو أديب والذي صرح بأن سد النهضة سيؤثر على مصر وقدم بسؤال آخر قائلًا: أنا عارف إنك المسئول عن ملف الري فهل حضرتك فتحته طيب ممكن تاخد فكرة خليه معاك في الحمام أحسن وعرض صورة أخرى للوزير مكتوب عليها "أنا لا أكذب لكني أتفاجأ".