STATUS&TWEETS

عزة جلال: قعدوا يقولوا مرسي هيغير التاريخ راح مغير الجغرافيا..
أحمد الأبلق: مرسي عمل في 300 يوم اللي مبارك مقدرش يعمله في 30 سنة..
جومانة سعد: لقد وضع مشروع النهضة حجر الأساس الأول لترسيخ مبادئ الوحدة الوطنية، فليس هناك فرق بين سلفي وإخواني!..
حسين الشامي: حازم صلاح أبو إسماعيل يعلن عن استيائه لما تفعله إثيوبيا في مياه النيل ودعا مؤيديه لمحاصرة مدينة الإنتاج الإعلامي..
عمر أحمد: تحس إن اللي كتب الأغاني الوطنية كان أصلا كاتبها لبنت الجيران.. بس شال اسمها وحط «مصر»..
ناجي العراقي: في رد فعل صارم وسريع لتغيير إثيوبيا مسار النيل.. نائب بحزب النور يطالب بإلغاء «الباليه» ويصفه ب»فن العراة»..
الشارة: تمتلك مصر نصف مخزون العالم من المصادر المطلعة..
جيهان الموافي: جيل الآيباد والجالكسي اتحرموا من تجميعة العيلة كلها قدام التليفزيون الساعة 6 (مسلسل القناة التانية) والساعة 7 وربع مسلسل القناة الأولى..
حمدي الدودج: مصر بقالها 7000 سنة محدش عرف يغير من حقيقة جوها المعتدل وحضارتها العظيمة ونهرها الخالد.. مرسى بعون الله فى سنة واحدة جابها على المحارة..
أبو نسمة الأسطورة: مافيش نيل.. مافيش كهربا.. مافيش مجاري.. مافيش مرور.. مافيش تعليم.. مافيش نظافة.. مافيش مستشفيات.. بالاختصار.. مافيش دولة.. طب إحنا عايشين ليه؟، مافيش داعي..
أميرة سرحان: طبيعى جدا إن لما يكون عندك رئيس بحجم مرسى وحكومة بحجم قنديل إن مشاكل بلدك تبقى مع دول بحجم قطر وإثيوبيا وجزر المالديف.
الشاني: المجلس الأعلى للألش الجمعة اللى جاية هتبقى جمعة تكبير المخ والشريعة ..
حسني الإمام: إن الصراع الدراماتيكي بين وجوديات التواجد الحسي مازال يتشابك إمبرياليا مع توجهات الراديكالية العدمية المتراكمة.. فكيف السبيل إذن يا سادة وكيلو الفاصوليا ب 26 جنيها؟..
نوران ناصف: تحب تهاجر برة مصر- لا طبعا- يااااه للدرجة دي بتحبها- لا طبعا أنا بس مكسل أعمل بدل فاقد للباسبور..