أب محروم من رؤية ابنه باكيا: «طليقتي بتعاقبني» (فيديو)

عرضت الإعلامية ريهام سعيد، مقدمة برنامج «صبايا الخير»، المذاع على فضائية «الحياة»، تقريرا عن أب محروم من رؤية ابنه بسبب مشكلات مع طليقته.
وقال الأب خلال التقرير: «كنت بروح من القاهرة إلى الإسكندرية علشان أشوف ابنى وطليقتى كانت بتاخد الملابس اللى بشتريها لابنى وترجعها للمحل وتحصل على ثمنها، وعندما كنت أسأل ابنى فين الملابس اللى اشتريناها في المقابلة الماضية، كان يقول لى: «رجعت»، موضحا: «كل ده مكنش بيفرق معايا في سبيل سعادة ابنى».
وأضاف: «طليقتى منعتنى من رؤية ابنى فأقمت دعوى رؤية والمحكمة حكمت لى ب3 ساعات، وتمكنت هي من إلغاء الرؤية بشكل قانوني أيضا.. طليقتى تعاقبنى في ابنى، علاقتى بابنى إنى بشوفه بيكبر في الصور فقط».
وأجهش الشاب في البكاء، قائلا: «بقالى 3 سنوات مشوفتش ابنى نهائيا».