أمهات مصر: أولياء الأمور استخدموا الشنط المدرسية القديمة لمواجهة الغلاء

قالت عبير أحمد، مؤسس اتحاد أمهات مصر للنهوض بالتعليم، إن عددا كبيرا من أولياء الأمور اضطروا إلى عدم شراء الشنط المدرسية واستخدام القديمة، وذلك بسبب ارتفاع أسعارها خاصة الشنط "الماركة".
ودار حوار ومناقشات بين أولياء الأمور على صفحة اتحاد أمهات مصر للنهوض بالتعليم على فيس بوك، حول أسعار الشنط المدرسية وأفضل المواصفات التي يفضلها أولياء الأمور، حيث قالت ولي أمر: "بنجيب شنطة Bz وبتقعد معانا سنتين"، وأضافت أخرى: "هظبط بتوع السنة اللي فاتت هنجيب منين يعني"، وأستكملت أخرى: "جبت السنة اللي فاتت شنط 3m الواحدة كانت ب 750 وكويسين زي ما هما هغسلهم بس وهيروحوا السنة ديه بيهم".
وأضافت ولي أمر أخرى: "بنتي راحت k.g 1.2 بنفس الشنطه، وقبلها سنة في الحضانة وكنت مكلمها واقتنعت إن شنطتها كويسة وتروح بيها عادي السنه دي، لسه هجيب شنطه وهاشتري لأخوها لأني مش ضامنه الأسعار السنة اللي جايه هاجيبهاله واشيلها، وأقل شنطه تعمل من 300 وانتي طالعه، مايهمش السعر قد ما هاحب أجيب شنطه متينة وظهرها مريح أولا ومش مهم بالنسبالي تبقي براند المهم تبقي ماتريال قويه وتستحمل"، وتابعت أخرى: "بجيبها active عشان تعيش والحمد لله عايشة بقالها سنتين، وإن شاء الله مش هشتري السنة دي غير لو لقيت عرض كويس".
وأشارت عبير إلى ولي أمر قامت بصنع شنطة كروشية صغيرة للدروس كتجربة ونجحت في صنعها، موضحة أنها قررت عمل شنطة أخرى كبيرة للمدرسة بسبب غلاء الأسعار.
وناشدت عبير تجار الشنط بتخفيض الأسعار وعدم المغالاة في الشنط المدرسية مراعاة لظروف أولياء الأمور، وموجهة حديثها لأولياء الأمور: "متركزوش أوي على الماركات واشتروا الشنط بالأسعار اللي تناسبكم".