هاشتاج «كلمة لمن باعك» يتصدر تويتر.. ومغردون:«اللي باعنا خسر دلعنا»

هاشتاج «النفسية طالبة إيه» يتصدر تويتر.. ومغردون:«خروجة وسفر وأكل»
دشن رواد موقع التواصل الاجتماعي «تويتر»، هاشتاجا بعنوان« كلمة لمن باعك»، بغرض توجيه رسائل، وما يدور بخاطرهم وقلوبهم، تجاه من «باعوهم» من أصدقاء وأقارب وأحباب.
وتفاعل جمهور تويتر مع الهاشتاج، كما حملت تعليقاتهم، في طياتها، ألوانا من السخرية، واعتبرها آخرون فرصة لتوجيه النصائح لمتابعيهم.
وعلق أحمد هادي:«وربنا مبقاش عندنا أي استعداد حتى إننا نزعل من حد ولا إننا نعاتب حد.. كل اللى بنعمله دلوقتى هو الانسحاب بهدوء ونقولهم شرفتونا ونورتونا على الفترة اللى عرفناكم فيها»، وأشارت مروة قائلة:«خليك ع هواك لحد ما تاخد على قفاك».
وعلقت «تونة»ساخرة:«إزاي انساك وبكل شارع حاطين زبالة» وأضاف حسام بسيوني:«هو بيبيعك ليه علشان عارف إن أنت ملكش هدف وفاشل والدليل على كده أول ما يكون ليك هدف وتنجح ويكون ليك مكانة كبيرة صدقني هيجري وراك».
وأضافت «نينا»: «حسبي الله ونعم الوكيل في اللي ظلم واللي باع واللي خان واللي سبب ألم في يوم من الأيام»، وتابعت «ضحكاية» قائلة: «خسرتوا ضحكنا وهزارنا ووقفتنا جمبكم ودعواتنا ليكو»، وعلقت مي:«أقسم بالله اللي باعنا خسر دلعنا».