طارق سرحان: «قنديل»: لا عودة إلى الوراء مرة أخرى.. ماهو بصراحة مافيش مكان نرجع فيه أكتر من كده إحنا قربنا ندخل على إثيوبيا.. مخموخ: البرادعى فاضل له جايزتين ويفتح متحف.. محمد عبد الوهاب: ومن عجائب الإخوان أيضا..أنهم يعاملون زويل كأنه تم منحه نوبل مختومة وموثفة وبالضمان.. بينما يعاملون البرادعى كأنه تم منحه 2 كيلو نوبل فرط. عماد السيسى: إحنا عملنا ثورة وماغطيناش الحلة؛ حمضت..!.. نوسة: خطط وحلول أبو إسماعيل الاقتصادية بتفكرنى بخططى وأنا فى أولى ابتدائى.. لما كنت بحوش عشان أجيب ستيكرز نجوم. ناهد السويفى: مصر جابت رئيس استبن.. قامت فنزويلا جايبة رئيس سواق.. العالم لو فضل ماشى فى السكة دى احتمال كبير على 2014نلاقى مقر الأممالمتحدة اتنقل موقف عبود.. بسمة المعطر: لعلمك ال 4 سنين بتوع الجامعة دول..هما أحسن عشر سنين هتقضيهم فى حياتك.. طارق محمود: انتوا عارفين الأدمنز اللى بيعدوا يقولوا اضغط لايك وقول سبحان الله .. دوول بيتاجروا بالدين زيهم زى الإخوان كده. عبد الرحيم الشامخ: الشخص اللى بيبعتلك « Please Call Me « متفكرش تخسره.. فقد اختارك من بين ثلاثة أشخاص اليوم. رامى سليمان: للأسف باسم عودة ده أنا ما بشوفش الإنجازات بتاعته اللى بيتكلموا عنها دى غير ع الفيس وبس.. مشاكل البلد لسه زى ما هى..الإخوان فالحين فى التهليل بس.. رز ومكرونة اتشالوا من التموين.. أنبوبة سعرها بقى دوبل.. أسعار حدث ولا حرج، وسلع بلا رقابة ولا حماية مستهلك.. ويقولوا ناجح ... إمال لو فاشل كان عمل إيه؟!!!.. سمير إمام: أنا بحب أبو الفتوح: يا ترى بتحب أبو الفتوح الإسلامى ولا أبو الفتوح الليبرالى، ولا أبوالفتوح اليسارى ولا أبوالفتوح العلمانى ولا أبوالفتوح المدنى؟..