مصريون ينصحون محمد صلاح على «تويتر»

قدمت الجماهير المصرية، مجموعة من النصائح للاعب المنتخب الوطني وفريق ليفربول محمد صلاح خلال موقع التواصل الاجتماعي "تويتر".
وطالبت إحدى المشجعات من صلاح عدم الاحتفال بطريقة مبالغة حتى لا يتعرض للإصابة، وقالت ردا على تغريدة للفنان نبيل الحلفاوي: "طالما بيحبك وبيسمع كلامك قوله ونبي يبطل الاحتفال المؤذي بتاعه ده المصريين كلهم مخنوقين من الإصابة بتاعته دي ده هو اللي بيفرحنا كفايه نشوفه في الملعب".
وفي المقابل وجه الحلفاوي، نصيحته لصلاح: "خلاص يا جميل.. انتهت هيصة الجوائز والاستفتاءات وفرحنا وحمدنا ربنا.. يا رب دايما، دلوقت تقدر ترمي ورا ضهرك وترجع تتفرغ للي أمتع من كل الجوايز.. المتعة اليومية في اكتساب المزيد من المهارة والقوة في التدريبات، ثم متعة عشاق الكورة للشبكة سواء إنت اللي شيعتها أو أهديتها لزميل. استمتع يا أبو الكباتن".
ورد صلاح على الفنان المصري: "حبيبي يا قبطان لا تقلق".