القبض على مؤسس "فيس بوك" بتهمة إهانة الرئيس!

هل فشلت الثورة؟ سؤال طرحه شباب "فيس بوك" بعد القبض على الثوار عبر مواقع التواصل الاجتماعى.. الشباب استنكروا القبض على النشطاء بسبب آرائهم المنشورة فى الفضاء الإلكترونى، وتوقعوا أن يكون "مارك بيرج" من المستهدفين فى المرحلة القادمة بصفته صاحب موقع "فيس بوك".. فماذا قالوا..
محمد سلامة: "يا بيه لو كل واحد اتسجن عشان كان أدمن صفحة ثورية.. «مارك زوجر بيرج» هيبات فى الشارع..".
وفاء مرسى: "مش ناقص إلا إنه يقبض على «مارك بيرج» علشان هو صاحب ال"فيس بوك" بتهمة إهانة الرئيس..".
كريمة صدقى: "وكالعادة.. هيمسكوا أكاونتات النشطاء والأدمنز وهيسيبوا "رنا الحرانة" و"نانا التعبانة" و"سوسو الجامدة" و"داليا دبوس".. زى بالظبط ما يعملوا ريبورتات على الصفحات الثورية ويسيبوا صفحات الفلول ميجوش جنبها..".
مصطفى حامد: "طب إحنا نعمل إيه تانى علشان نتأكد من فشل الثورة؟.. نخلى عمرو مصطفى يغنى لها مثلا؟؟".
عصام مجاهد: "مرسى بيقبض على نشطاء اللمون اللى انتخبوه.. اعصر كمان أنا عايز أتوب..".
السيد خلف: "بصراحة الثورة المصرية نجحت بشكل كامل منقطع النظير والأهداف مع بعض.. هو بس مش فاضل غير إبراهيم نصر يطلع من الكاميرا ويقولنا: " ببرابا برابا ببرابا برابايابا يابا يابا يابا يا"..