افرض جدلًا!!

إنك قاعد على قهوة بلدى سرحان كعادتك وقرب منك واحد فوق الستين بشوية .. مالك ايه زرعتها بطيخ طلعت إخوان ياسيدي قول يارب ويسألك: قولى مصر هترجع تانى لينا ولاخلاص هنعيش فيها أغراب.
تقوله أنت فى وطنك غصب عن أى حد.
تلاقيه يضحك غصب عن مين يابنى دول ليهم سنة وكفروا مصر كلها.
"ابنى" بيقولى إنى خرجت عن الملة سألته ليه قال عشان لا تطيع الحاكم وقلت له هو مين بقي الحاكم نفسى أعرف مين الحاكم.
أنا تعبت يابنى وقرفت وزهقت العيال النهاردة تغيروا عن الأول خالص بقى يبجح ويحرق دمك ويمشى.
مجبر أنك تقرب منه وتقوله بص ياحاج أوعى تزعل ولا تفكر أنك تزعل كل حاجة هترجع زى الأول وأحسن من الأول احنا رجعنا مصر اللى اغتصبها مبارك وهنرجع مصر اللى عايزين دلوقتى يسرقوها أوعى تخاف دى بلدنا مفيش تفريط فيها ونفديها بحياتنا زي شهداء يناير مصر فيها رجالة ورجالة بجد وقت الأزمة نسد.
بص وضحك وقهقه وضرب كف بكف وطلع من جيبه علبة سجاير كوكو الضعيف وولع سيجايرة وقام يرقص رجالة وطول عمر أولادك يابلدنا رجالة .
وأنت عشان تشاركه قعدت تصقف ولكن زباين القهوة اكتفوا بنظرة حسرة على بداية "شوطة الجنون اللى هتصيب المصريين "
_لو أنت مكانى تعمل إيه؟!