«#تسريبات_مرتزقة_الجزيرة» تشعل تويتر.. نادية: «دويلة شارعين وحارة».. أحمد: «قطر محروقة من مصر والسيسي هيعلمها الأدب».. إيهاب: «ملوكنا قادرون على إرجاع قبيلة قطر لصوابها»

أطلق مستخدمو موقع التواصل الاجتماعي «تويتر»، هاشتاجًا جديدًا يحمل اسم «#تسريبات_مرتزقة_الجزيرة»، جاء ضمن قائمة الموضوعات الأكثر تداولًا عبر الموقع.
ومن خلال الهاشتاج، عبر رواد تويتر عن غضبهم الشديد من دولة قطر والقيادة السياسية للدولة، التي تدعم وبشكل واضح الإرهاب وتمول الجماعات الإرهابية التي تنال من أمن وسلام الوطن العربي، وعلى رأسها مصر والمملكة العربية السعودية والإمارات العربية المتحدة.
تخريب دول العرب
وقالت نادية: «دويلة شارعين وحارة ربنا رزقهم وبدل ما يحمدوا ربنا على رزقه استخدموا الرزق في تخريب دول العرب وتشريد شعوب وقتل أبرياء»، فيما علقت زهرة: «نحب نغيظ الخرفان ونقولهم إن المجر فرشت للسيسي السجاد الأحمر لأنه زعيم وقائد.. مش ابن سنية اللي كان فاضحنا وقطر بتلمعه».
وغرد أحمد: «قطر محروقة من مصر علشان بتتكلم بلسان الحق باسم الأمة العربية وبتكشف دعمها للإرهاب واهو جالها اللي هيعلمها الأدب»، وعلق أنور: «أفضح كمان وكمان خليهم يتوبوا خونة العرب دول».
للصبر حدود
وقال أسامة: «تسريبات_مرتزقة_الجزيرة.. مصر كبيرة وعظيمة وجيشها عظيم وقوي للصبر حدود»، فيما علقت ندى: «مصر هتفضل غالية عليا ستات مصر رجالة ما بالك برجلتها مبتسبش الثأر.. الرجالة اللي أنت متعرفهاش.. فاهمني طبعا يا ابن موزة».
وعلق عرابي: «ربنا يفضحهم كمان وكمان بحق كل دولة خربوها وشردوا شعبها بكذبهم وتدليسهم»، فيما قال إيهاب: «بارك الله في ملوك ورؤساء بلادنا سعودية ومصر والإمارات والبحرين هم قادرين على إرجاع قبيلة قطر إلى صوابها».
وقال فخري: «بند رقم 1 في المطالب.. تسليم كل السفلة اللى في قطر وتركيا كمان نشوفهم أمام المحاكم العسكرية»، وعلق شهاب: «إزاي صدقتوهم وهم حاطين لوجو معا لإسقاط مصر.. عجايب!».
«مش عاوز أشوف وشك»
وغرد أحمد: «الملك عبدالله قالك يا حمد مش عاوز أشوف وشك.. تقوم جايب ابنك ومراتك.. أهو جالك ابن سلمان معندوش غير كلمة جيم اوفر»، وقالت نوران: «ربنا ياخد كل كلب باع وطنه واشتغل جاسوس.. الجزيرة اتنفخت».