أول رد من صناع «ظل الرئيس» على ظهور لفظ خارج بمشهد في المسلسل

اعتذر محمد طنطاوي، مسئول الجرافيك في مسلسل «ظل الرئيس» للنجم ياسر جلال عن الخطأ الذي حدث في إحدى المشاهد حيث كان يبحث الفنان الشاب محمد عز عن شخص بعينه في إحدى المجلات، وكان بجوار الصور نص مكتوب به لفظ خارج.
وكتب "طنطاوي" عبر صفحته الشخصية على موقع التواصل الاجتماعي "فيس بوك" تعليقًا على تلك الخطأ وقال: «بالنسبة لأي حد شاف الغلطة دي في ظل الرئيس.. أنا المسئول عن الجرافيك في مسلسل ظل الرئيس "Vfx Supervisor" وللأسف دي مش غلطة مخرج دي غلطة ديزاينر صغير حب يستخف دمه من غير ما يرجع لحد».
وأضاف: «أنا رفدته أول ما شفت المهزلة دي وده مش علشان الغلطة إحنا بنستحمل غلطات كتير من الناس لكن علشان الاستهتار وتضيع مجهود فريق العمل علشان يهزر بالأخص أن المسلسل ده الوحيد إلى ماتمسكش عليه غلطة واحدة من أول رمضان».
وتابع: «للأسف يعملوها الصغار ويلبسوها الكبار وطبعا مراجعتي كمسئول عن جرافيك ومن بعدي المونتاج والإخراج أكيد في أن الجرافيك راكب صح ولا لا وآخر حاجة نتخيلها أن الهبل ده يكون مكتوب أو في حد فكر يخف دمه بالشكل ده وبالمصطلحات دي».
اقرأ أيضًا
خطأ فادح لصناع «ظل الرئيس» برسالة تحمل لفظ خارج للمشاهدين
واختتم: «ده مش تبرير ده توضيح واعتذار لكل اللي اشتغلوا في المسلسل واللي اتفرجوا عليه».
كانت «فيتو» نشرت صباح أمس توضيحًا للمكتوب في المجلة نصًا: "حضر الاحتفال الناس الكتيرة دي مش عارف ليه الصراحة بس جم علشان يصدعوا **** أمي وأنا قاعد شغال في حالي، وأحب أوجه الكلمة للسادة المشاهدين اللي هما مش هيقرأوها".