حسن رضا: أمريكا تريد الإخوان فى حكم مصر

قال حسن رضا، رئيس قسم المونتاج بساقية الصاوى، :" تفتكروا ليه أوباما لم يتدخل وطلب من مرسلى الرحيل زى ما عمل مع مبارك لما الشعب ثار ضده؟، عشان ببساطة همّا عاوزين الإخوان يحكموا مصر عشان يشغلوها بصراع داخلى يؤدى لانقسام البلد، وده حيخدم مصالح أمريكا فى الشرق الأوسط هى وإسرائيل".
وتساءل على صفحته الرسمية بموقع التواصل الاجتماعى "الفيس بوك": "تفتكروا ليه أوباما تدخل هو ودول حلف الناتو بسرعة جداً فى أحداث ثورة ليبيا ضد حكم القذافى، تفتكروا مين العقل المدبر والممول الرئيسى وراء جماعة القاعدة التى حرضت الثوار الليبيين على قتل القذافى والأسلحة المتطورة اللى دخلوا بيها ليبيا وهى أسلحة عمرها ما دخلت ليبيا قبل كده، وتفتكروا مين اللى درب الثوار على استخدام الأسلحة المتطورة دى؟".
وطلب من مؤيدى الإخوان أن يستيقظوا من غفلتهم ليعرفوا من هو العدو الحقيقى، بعيداً عن التخفى وراء حجة "الفلول"، لأنها حجة فاشلة.