"توهة" قصيدة جديدة ل"بسمة شعبان"

"توهة" قصيدة جديدة للشاعرة بسمة شعبان، تقول فيها:
ماحدش قابله قلبى ياناس؟
ماحدش شافه بالصدفة
على أعتاب القلوب منداس؟
ماهدش روحه غير صدفة
ومركب م الجراح شاردة
وليل حيران بيستنى
على باب الضياع
إحساس .
وأنا والناس فى بير واحد
وأنا الجاحد
فى عين كل اللى عرفونى
وأنا الجانى
وأنا المجنون
وأنا المفتون
وأنا اللى فى وحدتى خوفى
بنالى من الأمانى ظنون
وهيأ فى الغنا يحبى
وغرر فى اللى كان صاحبى
وطّمع كل من حبيت
وهد قلوعى فوق رحبى
وأنا وقلبى ضحايا حنين
غناوى من الوداع ضايعين
وتوهة فى سكة النسيان
بتوهبلى الجراح بساتين
وهشكى لمين؟
ومين راح يروى أوصالى؟؟!
يعزز فى اللى كان غالى؟؟!
يرخص كل من عليت
وعودة من الوصال خالى؟؟!
لا قلبى براحة بيساعنى
ولا فى مهد الحنين معنّى
ولا فى عز انفراج النور
سمحت جروحى تدفعنى
مانا المشوار لروحى بعيد
وأنا المدفون فى ليلة عيد
وأنا المواعيد مخلفانى
وأنا الجانى
وأنا المجنون
وأنا المفتون
وأنا اللى فى وحدتى خوفى
بنالى من الأمانى ظنون
وهيأ فى الغنا يحبى
وغرر فى اللى كان صاحبى
وطّمع كل من حبيت
وهد قلوعى فوق رحبى