بالفيديو.. لحظة سرقة حقيبة فتاة من داخل جنينة مول

نشرت فتاة تدعي داليا حسين مقطع فيديو على صفحتها الشخصية عبر "فيس بوك"، تطلب من فتاة سرقت حقيبتها أثناء تواجدها في محل ملابس بجنينة مول بإعطائها الباسبور، ورخصة القيادة، ورخصة العربية، والفيزا، والبطاقات الشخصية وبطاقات الشركة وسلسلة المفاتيح لأنها لاتفيدها في شيء.
وأظهر مقطع الفيديو الذي التقطته كاميرات المراقبة داخل المحل، فتاة ترتدي سترة سوداء أخذت حقيبة وبعد أن غفل الزبائن فرت هاربة من المكان.
وعلقت داليا على الفيديو قائلة:" البنت اللي لابسة كارديجان أسود وشميز فوشيا في الفيديو دي سرقت شنطتي النهاردة في جنينة مول في مدينة نصر، طبعًا بصرف النظر عن الموبايل أو أي حاجة كانت في الشنطة، الشنطة كان فيها الباسبور، ورخصة القيادة، ورخصة العربية، والفيزا، وكل البطاقات الشخصية وبطاقات الشركة وسلسلة المفاتيح، إلى يعرفها يقولها الورق والبطاقات مش هاتستفيدي بيهم حاجة، صورة أبويا أظن مش هاتفرق معاكي بس مهمة بالنسبالي قوي، جمعي الأوراق وصورة أبويا وسلسلة المفاتيح مع بعض وحطيهم في أقرب مكان، سبيهم مع أمن المول وقوليلهم لاقيت دول، وديهم مكان شغلي سبيهم، حطيهم في المحفظة وارميهم في المول، أعملي أي حاجة أرجوكي وخدي الباقي حلال عليكي".