التعديل الوزاري يجذب نشطاء مواقع «التواصل»..خالد: «دامت لمين».. عبد الرحيم:«الشربيني قاعد ليه؟».. مصطفى ل«الوزراء الجدد»: «شهر وهتحصلوا اللي قبلكم».. سما:«هيفشلوا وماحدش هيحاسبهم»..وسعيد:«راعوا ربنا»

جذب التعديل الوزاري الجديد للحكومة اهتمام عدد كبير من نشطاء مواقع التواصل الاجتماعي «فيس بوك وتويتر»، وقد دشن نشطاء تويتر هاشتاج «الوزراء الجدد»، الذي احتل مركزا متقدما على تريند مصر بتويتر، وجذب عددا كبيرا من النشطاء الذين عبروا عن رفضهم للتعديل الجديد، مؤكدين على أن سقف توقعاتهم كان يصل لإقالة وزير التعليم، وأن عددا من الوزراء لم يحققوا المطلوب منهم، وما يزال الفساد مستشريا.
بيان الحكومة
قال محمود عفيفي:«وزارة جديدة قبل أيام قليلة من بيان الحكومة أمام مجلس النواب التي سوف توضح من خلاله برامجها وأهدافها.. أخطاء سياسية مستمرة بلا هدف أو رؤية».
وأضاف محمد عبد العزيز:«ده نص المصريين مش عارفين اسم رئيس الوزراء الحالي أصلا عشان مش حاسين بوجوده.. قالك تعديل وزاري».
وعلق عبد الرحيم سلامة:«الوزراء الجدد.. الشربيني قاعد هاااار أسود يا مصر أول مرة هنشوف ألوان أسود من الأسود إحنا آسفين يا صلاح.. وزير التعليم ماتغيرش يا جودعان.. الهلالي الشربيني لسه وزير تعليم يا مصر لقد وقعنا في الفخ..»، ورد مصطفى بولا:«الوزراء الجدد شهر وحتصلوا اللى قبلكم».
وتابع لاموفيك أحمد:«الوزراء الجدد، الشربيني قاعد، ده إيه الغتاتة دي.. ده إيه أم الرخامة دي.. إيه ده كله إيه ده كله».
شوية تصريحات
وقالت سما عمر:«مش هناخد منهم غير شوية تصريحات ولما يفشلوا محدش هيقدر يحاسبهم.. الوزراء الجدد».
وأضاف إبراهيم سلامة:«ده وزير النقل.. الوزراء الجدد.. والشربيني ماتغيرش.. وشريف سماعين قاعد.. نولع في نفسنا والا تولع فينا أحسن يا ريس.. دول كفاءات»، وتابع صابر الزعيم:«الوزراء الجدد السابقون والأسبق حلفوا اليمين وكذبوا.. فهل من أمل؟».
ورد عمرو مشالي:«كل شوية يجيبوا وزراء ويمشوا وزراء كأن مشكلة مصر في الوزراء، مصر محتاجة أفكار جديدة مش وزراء جديدة مصر محتاجة عدل اجتماعي الوزراء الجدد».
وتابع محمد رمضان:«كان في أخبار متداولة أن رضا عبد السلام محافظ الشرقية السابق هيعين كوزير للتنمية المحلية ضمن الوزراء الجدد اتعين ولا لأ».
صيام 3 أيام
وقال عظيموفيك:«صيام 3 أيام في السريع بقى ماحدش هياخد بالوا!»، وأضاف أبو شروق:«امسكوا الوزارة وافرحولكو يومين بس بعد كده هتسيبوها، وهتتفضحوا.. فضيحة ال... يوم طلوعه على المعاش.. الوزراء الجدد»، وعلقت أسماء علي:«من نقرة لدحديرة يا قلبي لا تحزن»، ورد خالد مان:«الوزراء الجدد دامت لمين!!».
وتابع سعيد المصري:«الوزراء الجدد والنبي راعوا ربنا في الشعب»، وعلق حسني محمد:«الوزراء الجدد دولة العواجيز من نظام مبارك ..الفساد في كل مفاصل الدولة ولم يتغير».