انهيار الإنترنت في عدة مناطق يثير غضب المصريين.. عيد: «بطيء وغالي وعروض وهمية طب وأخرتها».. سعيد: «اللي قفل المحبس يفتحه ميصحش كده».. محمد: «نرجع للحمام الزاجل».. كندارى: «هيبقى كويس لو لعب الزهر»

سادت حالة من الاستياء والغضب بين مستخدمي مواقع التواصل الاجتماعى بسبب سوء خدمة الإنترنت التي شهدتها بعض المناطق في الجمهورية اليوم، واعتبر البعض أن أسعار الخدمة مرتفعة جدًا في مقابل الخدمة السيئة المقدمة، بينما أشار البعض الآخر إلى أن سوء الخدمة ليست وليدة اليوم فقط، ومن جانبها رصدت «فيتو» بعض التعليقات.
«ميصحش كده»
قالت رحمة سعيد: «اللي قفل محبس النت يفتحه ميصحش كده»، وأضاف أحمد محمود ساخرًا: «صاحب شركة النت عايز ابنه يذاكر قام فصل النت على مصر كلها»، وتابع إبراهيم المصرى قائلا: «حتى يوم ما أفكر أذاكر ألاقي النت زفت وفاصل في مصر كلها عشان منزلش السلايدز»، بينما قال إبراهيم عيد: «إنترنت بطيء وغالي وعروض وهمية طب وآخرتها».
الحمام الزاجل
وغرد محمد منير ساخرا: «بمعدل كل يومين النت بقى يعلق عند الناس كلها أنا بقترح على الدولة وشركات الإنترنت إننا نقطع النت خالص ونرجع نستخدم اللامؤاخذة الحمام الزاجل»، بينما قالت ياسمين الشرقاوى: «النت من حلاوته فصل»، واستكمل هانى كندارى ساخرًا: «النت هيبقى كويس لو لعب الزهر واتبدلت الأحوال».
«هنصبر لحد امتى»
وقال محمد سعد: «النت فصل تقريبا ساعة إلا ربع ورجع بطيء»، وأضاف محمد محمود: «طب كدا فعلا فيه حوار في النت مش مفهوم.. الحكاية زفت بقالها كام ساعة فعلا»، فيما قال تامر عبد الله: «النت فاصل من الصبح مش بيفتح حاجة»، وتابعت هند منير قائلة: «هنصبر على استهبال شركات النت دي لحد امتى.. والخدمة غالية جدا وزى الزفت».
وغرد ميدو قائلا: «الإنترنت بيموت».. وأضاف أحمد جمعة قائلا: «احنا النمل فين السكر.. عايزين شوية نت يا جدعان»، وقالت دينا محمد إبراهيم: «فيه أشغال متعطلة بسبب النت حرام عليكم»، وتابعت داليا محمود قائلة: «هو فيه مشكلة في الإنترنت؟ إنترنت البيت والموبايل إنترنت فجأة الاتنين جلهم شلل».
وكان مصدر مسئول بوزارة الاتصالات، أكد إن قطع كابل رئيسي بشبكة الإنترنت أدى إلى سوء الخدمة على مستوى الجمهورية، موضحًا أن الأكثر تأثرا عملاء شركة «تي إي داتا».