جماهير «الزمالك» تسخر من «الأهلي» بعد الخسارة من «سموحة».. «رمزي»: فودافون وشها حلو».. «أحمد»: «باقة البطولات والأمجاد مش شغالة».. و«مختار»: «كل ملوحة وانسى اللي حصل من سموحة»

سقط النادي «الأهلي»، مساء أمس الخميس، في فخ «سموحة» وتلقى ثاني خسارة له في الدوري هذا الموسم، ليتجمد رصيده عند 9 نقاط، وفور انتهاء المباراة انهالت التعليقات الساخرة من جماهير الغريم التقليدي «الزمالك» على مواقع التواصل الاجتماعي.
«سموحة والملوحة»
علق حسام شاهين أحد مشجعي نادى الزمالك على خسارة الأهلى أمام سموحة قائلا: «قوم اتفرج علي فيلم بوحة وانسي اللي حصلك من سموحة»، وقال طارق جويلى: «واحد راح لعبده البقال قاله عندك ملوحه قاله لا عندي سموحة وهو عنده جوه»، وأضاف مختار عمر: «كل ملوحة وانسى اللى حصلك من سموحة».
«فودافون وشها حلو»
وسخر نشطاء مواقع التواصل من «فودافون» راعي النادي حيث قال على رمزى: «مساء الجمال وشكم حلو جدا شكرا من كل قلبي فودافون»، وأضاف أحمد ياسر: «باقة البطولات والأمجاد مش شغالة ممكن يحولوا على نظام حكام أكتر تحت رعاية فودافون»، وعلق على الصعيدي قائلًا: «فودافون بتكتب تاريخ جديد للأهلي وكان بدايتنا مع سموحة».
جماهير الأحمر ترد
وردت جماهير النادى الأهلى، على تعليقات الجماهير البيضاء، حيث قال هانى عيد: «الفرق السكندراية بقت تعلم علينا جامد أوى»، وعلق بسيونى عيد قائلًا: «إن الحلو بقى في الزمالكوية ميعرفوش يكسبوا الأهلى ولا يشموا حتى ريحة الفوز في حضوره ويحفلوا على أي خسارة للأهلي».
أما أمنية محمود فقالت: «بصرف النظر إني أهلاوية بس أول مرة أحس إن فلوسنا مراحتش هدر بعد اشتراكنا فى عضوية نادى سموحة».