بالصور ."مرسى والسلطانية" و"سلطانية مرسى". هاشتاج يسخر من ملابس مرسى فى باكستان. حبيبة: السلطانية الرئاسية ليك وليا. سما: إحنا آسفين يا باكستان. عمرو: مرسى راح باكستان يلبس السلطانية والهند يركب الفيل

انتابت نشطاء "تويتر" حالة من السخرية بعد مشاهدة زى الرئيس مرسى فى حفل حصوله على الدكتوراه الفخرية فى الفلسفة من باكستان، وقام النشطاء بتدشين 2 من الهاشتاج الساخر أحدهما بعنوان" مرسى والسلطانية" والآخر "سلطانية مرسى"، حتى أن البعض وصفوه بالسلطان مارنجوس الأول..
محمد فايز قال: "متخيل أفلاطون اللى اتكلم عن الملك الفيلسوف وهو شايف مرسى والسلطانية بيقول الواقع المصرى الخيال انبهار.. أنت مش عارف إنك فى بحر الظلمات؟ الظلمات يا لطيف اللطف يا رب.. لقد خلعنا عليك تاج الجزيرة.. السلطانية؟ مرسى والسلطانية"
وقال ميدو الشناوى "مرسى والسلطانيه يا أبو سلطانية عمة وقفطان.. شبه الخرفان.. وعاملى فيها من باكستان.. وأنت أصلا واحد.. "
وقال محمد النجار: "مرسى والسلطانية واخدين أحنا كمان دكتوراه فى الفلسفة من أيام الثورة بس دى معدن وأفخم من بتاعتك يا إستبن"
وقالت سما خالد: "مرسى والسلطانية زلزال وتفجيرات!!! إحنا آسفين يا باكستان، المفروض بعد كده أى دولة هايزورها مرسى يعملوا ميزانية لإزالة آثار الزيارة.."
إيمان إسماعيل قالت: "مرسى والسلطانية حتى باكستان علمت علينا .. يا وكستنا بين الأمم !"
وقال شادى جاد: "مرسى والسلطانيه قام لابس السلطانية وقال أنا جدع.. ومن ساعتها وهو منتظم فى جلسات الكهربا"
وقالت حبيبة" مرسى والسلطانيه السلطانية الرئاسية ليك وليا.. فكرتنى بمين؟ بمين؟اممممممممممم اااااااااااااااااااااااااااه افتكرت افتكرت "
قال يوساب قوزمان: "مرسى والسلطانيه وإية يعنى لما يلبس سلطانية ما الإخوان ملبسينة العمة من ساعة ما مسك الحكم.. مليونيه الإخوان الجمعه الجايه تأييداً للدكتوراة الفخرية"
عمرو جليب قال: "مرسى والسلطانية مرسى راح باكستان عشان يلبس السلطانية ويروح الهند بعدها يركب فيل.. هو مرسى درس فلسفة أمتى ! أساساً الفلسفة هى علم التفكير يعنى بعيدة عنه تمامًا"
وقالت نهاد أمين: "مرسى والسلطانية مكانش عاجبنا البقرة الضاحكة أهو جالنا عبيط القرية وهيرجع من هناك يقولنا هراس جاى"
وقال علاء خيرى: "مرسى والسلطانية يا رب مرسى يزور اسكتلاندا.. شكله فى الجيبة هيبقى يفطّس الضحك"
وقال من أطلق على نفسه، كان ملبسهم طرح: "مرسى والسلطانية طب والله إنتوا ظلمه.. اصبروا بس أما ييجى لابس الطاجن بتاع الفلسفة ده.. هانلف بيه الموالد ونكسب دهب!! هيا الفلسفة كده.. لازم تنكمر فى الطاجن يومين...!!"
وقالت ماجو أبوستيت: "مرسى والسلطانية الكائن ده فيه شبه كبيييييير من على الكسار"
أحمد المغربى قال: "مرسى والسلطانية السلطان مارينجوس الأول"
وقالت كريمة الديب: "مرسى والسلطانيه والله العظيم افتكرتها فوتوشوب"
وقالت إيمى مصطفى فاضل: "مرسى والسلطانيه باسم يوسف أيها المحظوظ ههههههه"
رانيا أحمد قالت: "طويل العمر يطول عمره وينصره على مين يعاديه هاى هىء ههههههه مرسى والسلطانية"
أحمد البردان قال: "زيارة بقى كمان لأفريقيا الوسطى بقى والمايوه من ورق الشجر والحربة يا خرابى مقلكش سلطانية مرسى"
سامح جمال قال: "تستاهلوا سلطانية مرسى عشان قعدتوا تتريقو على القذافى.. شفتوا اللى يتريق على رئيس غيره بيحصل فى رئيسه إيه ؟"
وقال هجرس سافا: "سلطانية مرسى والله مرسى لبسنا كلنا السلطانية بس للأمانة لبسها معانا"
وقالت جاست سمسمة: "وعلى فكرة بقى مرسى مسلينا وعامل جو.. دكتوراه فخرية يا معفنيييييين لأ وإيه؟! فى الفلسفة باكستان سلطانية مرسى"
وقال كريم محب ساخرًا: "إيه يا راجل إنت ده، إيه اللى أنت لبسه ده، اللى مش من سنك ده ! سلطانية مرسى"
وقال سامح جمال" أنتو شوفتوا إيه من سلطانية مرسى عشان تكرهوها كده.. طب أدوها فرصة"
وقالت لبنى راضى: "ولما مرسى يلبس الكازرولة أومال أم أيمن تلبس إيه سلطانية مرسى"
وقالت إسكندرانية 2011" سلطانية مرسى عاش السلطان مارينجوس الأول طويل العمر يزهزه عصره وينصره على مين يعاديه! هاى هئ!!!"
وقال تامر تنسيم" سلطانية مرسى لما دى مراسم تسليم مرسى شهادة الدكتوراه فى الفلسفة أمال مراسم تسليمه شهادة الدكتوراه فى الهطل تبأه إزاى"
وقالت نها مزروع: "أكيد لبسوه البتاعة اللى على دماغه دى لما سمعوه وهو بيقول الشرطة شاركت فى عبور 73 وشاركت فى العبور التانى فى ثورة 25 يناير سلطانية مرسى"