بالصور.. بائع يتحرش بفتاة داخل محل ملابس في مصر الجديدة

أرسلت المواطنة مني سعيد عبر خدمة واتس آب فيتو، صورا انتشرت عبر واقع التواصل الاجتماعي خلال الساعات الماضية توضح حالة تحرش تعرضت لها فتاة في إحدى محال الملابس.
وقالت المواطنة في رسالتها: «الموضوع باختصار أن أم قررت انها تاخد بنتها وتنزل تشتري لبس ليها، نزلوا روكسي دخلوا محل والأم قالت لبنتها شوفي اللى إنتي عايزاه هنا في المحل ده وأنا جمبك في المحل التاني هشوف لبس لأختك الصغيرة المهم الأم مطمنة من نضافة الناس اللى في المحل والذوق وكل الكلام الحلو ده، البنت قالتلها ماشي والأم مشيت، البنت لاقت كام بلوزة عجبتها دخلت البروفة تقيسهم فجأة وهي بتقسهم، حست أن في حد بيبص عليها من ورا الباب فجأة لبست هدومها وفتحت الباب لقت واحد من اللي شغالين في المحل واقف ورا الباب».
وأضافت: «المهم البنت زعقت وتشتم في الواد المهم المدير شاف كده قرروا أنهم يتهمون البنت بالسرقة عشان ميطلعوش سمعه عن المحل وحشة، المهم خدوا البنت في المخزن ولدين والمدير وواحدة ست وطبعا قاعدين يشتموا فيها ويضربوها بالرجل وأصابوها بجروح».
وتابعت: «المهم البنت قعدت تعيط وتصرخ والمدير فتح كاميرة الموبيل بتاعه وقعد يصورها وهيا بتعيط المهم الأم بتتصل ببنتها عشان تعرفها إنها خلاص اشترت هدوم أختها والبنت مش بترد، الأم راحت المحل لقت بنتها في المخزن وبتضرب فجأه الأم صوتت والناس اتلمت والناس بيقوللها بنتك حرامية علما بأن البنت كان هيتحرش بيها بس هما حبوا يعملو كده عشان سمعة المحل».
واستطردت: «كل الناس تعاطفت مع الأم وعلى طول اتصلت بزوجها وطلعوا على قسم مصر الجديدة وعملوا محضر».
وتتيح «فيتو» لقرائها التواصل الدائم معها عبر كل وسائل الاتصال الممكنة للأجهزة المختلفة، وهي «واتس آب whatsapp، سكايب skype، فايبر viber، لاين line، بي بي إم BBM، وكيك kik»، عبر الرقم «01270709070».