بالفيديو والصور.. "بيبسي" تحيي أجمل الذكريات في إعلانها الجديد.. "عمرو": أجمل لقطة ظهور أحمد زكي مع ابنه.. حسين: «إللي بيموت بيروح فين».. كريم: بيفكرنا بأيام زمان.. جاسر: أحلى حاجة صوت "الجسمي"

أثار إعلان "بيبسي" الجديد "لمتنا تكمل"، ثورة على تويتر من خلال تعليقات النشطاء؛ حيث جمع الإعلان بين عدد من الشخصيات الراحلة في مقابلة مع الأحياء، وأثارت لقطة لقاء الفنان الراحل أحمد زكي مع ابنه هيثم، والدموع التي بدت في عيون الابن، شجون النشطاء، معبرين عن ذلك بالإعجاب.
قالت بنت مصرية: "إعلان بيبسى الجديد حلو أووي وكله ذكريات، بس عيني دمعت مع هيثم أحمد زكي لما شاف لقطة أحمد زكي، الله عليكم".
نجاح كبير
وعلق عمر طارق "أن بيبسي تخلي الناس تدور على الإعلان بتاعها ده في حد ذاته نجاح ومش نجاح عادي ده نجاح كبير".
وأضاف ميزو "أحمد زكي وعبد المنعم مدبولي في إعلان بيبسي الجديد".
وقال عمرو رود ريجوز: "إعلان بيبسي الجديد طالع فيه أحمد زكي الله يرحمه.. وثلاثي أضواء المسرح وعبد المنعم مدبولي"، وعلقت شروق ممدوح "أحمد زكي وابنه مرة كمان بس والابن بيقلد أبوه ويرقص زيه ذكريات بتفرحنا إعلان بيبسي".
وقال حسين كيكو "عن أجمل لقطة في إعلان بيبسي أحمد زكي.. هيثم زكي يلا نكمل لمتنا".
إللي بيموت بيروح فين
وأضاف حسين مهران "هو بيبسي وشيبسي عاملين جمعية في الإعلان يعني؟، أنا أول مرة أشوف إعلان لمنتجين اتنين مع بعض!".
وسخر أحمد مهيب: "بابا هو إللي بيموت بيروح فين؟.. - إعلان بيبسي يا حبيبي".
وقالت داليا "إعلان بيبسي والهيلوجرام الرائع"، وعلقت رشا: "البنت إللي لابسة بريسز "جهاز تقويم" وبتضحك وأحمد زكي في إعلان بيبسي أحلى من أي حاجة تانية في الإعلان".
أحسن إعلان في رمضان
وقال جاسر عزت "أحسن إعلان في رمضان.. إعلان بيبسي.. صوت حسين الجسمي ووجود أحمد زكي وابنه أحسن حاجة ف الإعلان".
وأضافت سارة علي "إعلان بيبسي رائع إحنا دايما بنحب الزمن القديم بكل ما فيه، أكتر حاجة عجبتني أحمد زكي وهيثم ابنه من المشاهد الوهمية برافو بيبسي.. إعلان بيبسي".
ظريف بس مش مبهر
وقال صادق "إعلان بيبسي ظريف بس مش مبهر بالنسبة لي"، وعلقت غادة "لو كل إللي بنحبهم نقدر نرجعهم كنت رجعت لحضن أمي وأبويا، الله يرحمهم.. إعلان بيبسي".
بيفكرونا بأيام زمان
وقال كريم رزق "إعلان بيبسي الجديد جميل ومفرح والنوستالجيا مهما اتهرست بتبسط الناس"، وأضاف بدر أحمد "طب يا جماعة والله إعلان بيبسى الجديد تحفة.. بيعرفوا إزاي يفكرونا بأيام زمان".
وسخرت بدرية عواد "ماما هو مش بابا مات أيوة، طب أنا لسه شايفه في إعلان بيبسي دي حلاوة روحه يا حبيبي".
صوت الجسمي
وقالت سلمى خالد سيد "إعلان بيبسي حلو آه بس بصراحة ماانبهرتش غير باللقطة بتاعة أحمد زكي وابنه، هي دي بصراحة إللي فرحتني بجد".
وعلق أحمد أسامة "جميل إعلان بيبسي وجميل صوت الجسمي".