شاحنون يُنظمون مليونية "الشريعة والشاحن" أمام سفارة فنلندا

"عيش.. حرية.. شواحن أصلية".. شعار رفعه أولاد أبوإسماعيل بعد تأخر الشيخ عن مليونية حماية العلماء بسبب ضياع شاحن موبايله، وهو ما منعه من الذهاب إلى الإسكندرية وفقدانه التواصل مع أنصاره، فقد علق الشباب علي الواقعة بأغنية "محدش بيتخلى عن أنصاره أوي.. إلا لما يكون بطارية موبايله فاضية أوي"، "فيتو كافيه" رصدت تعليقات الشباب..
محمد حامد: البرادعي خلع بفنجان قهوة.. وأبوإسماعيل خلع بشاحن نوكيا.. خالصين!!
مصطفي التوني: "حازمون دول مؤمنين بالشيخ حازم بدرجة فوق ما تتخيل لدرجة أن واحدًا اقترح على الشيخ أن يحط صباعه فى فتحة الشاحن والموبايل هيشحن بطارية ورصيد بإذن الله".
طارق عبد المنعم : اسد الأمة . . . نيييييييييعععععااااااووو "بعد ضياع الشاحن" اسد الأمة . . .أوء ..أوء..أوء *صوت بطارية ضعيفة*
نادر صبحي : الهتاف الأن : مش هنشحن هووووووووه يشحن.
عصام محمد : عاجل تم تغيير إسم حركه "لازم حازم"إلى "لازم شاحن".
رنا محمد : على رأي بدرية في إعلان إتصالات وأنا إلي فاكراك شاحن .
محمد عبد الرازق : تلاقي ابو اسماعيل دلوقتي ماشي يلف في شوارع القاهره ويقول : محدش معاه شاحن رفيع لله.
طارق أحمد : دايماً بوسمعين معاه الجديد، بعد ما الناس كانتبتسأل فيه الجرين كارد ياأبو إسماعيل ؟، دلوقتي بتسأل فين الشاحن يا أبو إسماعيل ؟.
شادي حسام : عاجل : حركة حازمون أعلنت منذ قليل عن مليونية يوم الجمعة القادم بإسم "مليونية الشريحة والشاحن".
محمد عباس : حركة "حازمون" غيرت إسمها إلى حركة "شاحنون".
أحمد سليم : "حازمون" يحاصرون سفارة فنلندا رداً على سرقة شاحن ابو اسماعيل والنشطاء وشعارهم الأن "سنحيا شاحنون".
أحمد حمدي : الشيخ حازم أبوسماعين عامل زي ثاني اوكسيد الكربون بالظبط.. لا يشتعل لكنه يساعد على الإشتعال.
شيماء علي : أبو إسماعيل : سأقاضي إتحاد الملاك لتعطيل الأسانسير ومنعي من الذهاب الى الإسكندرية.