اللي بني مصر «سيناء 3»

اللى بنى مصر عدّى وراح على سينا.
كرمش جبينه بالغضب..
لمّا اللهب لسع عينه
زعق ومال على خط الزوال.. وقال:
جاى ليكوا من جوف الوجود
لجل احتفل بنصر أكتوبر وأعود.
ألاقى سينا للحدود ضرب ومدافع وحشود؟
ولما بانت الحقيقة.
العار قفز جوّا القرار وعلينا طار..
ورفض يعود.
النار دى جايّة م القريب مش م الغريب
مش م الأعادى الظالمين.
النار دى جاية من شِيَع.
وشلل غريبة وتابعين.
بقى دول ولادى وعزوتي؟
يا لهفتك يا أم البنين.
يا أم السنين السبع تالاف الضاربين فى الأرض خير.
عيد لنتصار إندار باهت حزين
إمتى ولادنا ودمّنا؟
يعودا تانى لحضننا؟
نحمي عيونهم م السنين
اللى بنى مصر قال: حا أفضل هنا.
أشرح لأولادى العُزاز..
كل اللى شوِّش عقلهم.
يمكن يلينوا زى ما كتل الحديد بتلين.