الشاطر: كيرى كداب ومرسى بيستعبط!!

ليل خارجى.
المكان مكتب الإرشاد.
ازدحام أمام المقر وتجمع لأعضاء المكتب فى انتظار المرشد والشاطر ومرسى وبعض القيادات
المشهد الأول
وصول الشاطر مكشر تكشيرة تقطع الخميرة من البيت
هرولة نحوه
المشهد الثانى
وصول بديع والبلتاجى والكتتانتى والعريان وغزلان
سيارة من بعيد حولها حراسة
البلتاجى يصرخ مرسى اهو .. والله مرسى
نزول مرسى وهو مقموص يجرى عليه البلتاجى ازيك يادكتور
مرسى منفعل: كدة كلكم تسبونى لوحدى لكيرى يستفرد بى .. هو ده العهد يا فضيلة المرشد ؟!
- إشارة من يد الشاطر بالدخول إلى غرفة الاجتماعات
المشهد الثالث
الجميع يدخلون ماعدا الشاطر ينظر يمين ويسار
يدخل الغرفة وهو حزين جدا ويزعق فى مرسى أنت ازاى تقول لكيرى انك هتعمل إصلاحات قربيا يعنى هواحنا غلط يابيه ورينى إيه هى الإصلاحات يا......
مرسى يتهته أبدا أنا حبيت اتفاهم معاه مش أكتر
الشاطر: من أمتى بتعمل حاجة من دماغك يادكتور
- مرسى ينظر إلى الأرض انا بعتذر يابشامهندس
البلتاجى: عليا الطلاق اللى يقرب من الدكتور نقطعه .. إحنا مش شوية .. لا ..كل واحد يعرف حدة كويس
- إشارة من يد الشاطر بعدم الكلام والجلوس
-المرشد يعبث بالقلم واضعًا يده على خده وكذلك العريان وبقية القيادات
-مرسى باكيًا: ده كيرى طلع ابن حرام ده عارف كل حاجة .. هما البرادعى وصباحى والسوسة عمرو موسى حسبى الله ونعم الوكيل فيهم
-الشاطر: اسكت يادكتور لو سمحت أنا تعبت منك
-مرسى يتصبب عرقا: والله ياباشمهندس ماكان قصدى .. ما أنت عارفنى كويس
الشاطر: عشان انا عارفك دى آخر مره .. مفهوم يادكتور ؟
- مرسى ينظر حوله فين بتوع الرئاسة
-البلتاجى: برة يامعلم .. قصدى ياريس
-الشاطر ينظر إلى البلتاجى
-البلتاجى بصوت عالى: ماتسمع الكلام وتقعد يادكتور
-العريان: اللى حصل ده لايتكرر تانى
موبايل الشاطر يرن يعلن عن مكالمة من أمير قطر
-الشاطر يشير بيده للجميع بالصمت: اهلا يا سمو الأمير والله نفس الكلام لسه قايله معلهش الموضوع ده عندى .. _وينظر إلى مرسى _ولن يتكرر تانى
-مرسى ينظر إلى الأرض ويهمس: هو كل حاجة عليا ؟ .. أنا هكفى مين ولامين
-الشاطر: لا .. ظبط أنت .. وبعدين أنت راجلهم فى المنطقة ياسيدى .. معلهش الدكتور تعبان شوية وهيسافر المانيا للعلاج
- صوت أمير قطر من الموبايل: ما ينفعش انا اعمل كل العداوات دى ومرسى يبوظ الدنيا .. لازم يفهم كدة كويس
-مرسى ينظر إلى البلتاجى ويهمس: والله ماكان قصدى .. وهو كيرى ابن الذين اللى عمل فيا كدة .. ماشى ياكيرى
-العريان: انت غلطان وكمان بتتكلم ؟ .. لا بقى
-الكتتانتى: والله الموضوع سهل والحل أسهل .. نقول أن الدكتور كان تعبان شوية
-المرشد: لا .. يتراجع فى كلامة زى كل مرة والفضائيات تهاجمه شوية وخلاص
-البلتاجى يبتسم ابتسامة عريضة قائلا: الحل عندى .. احنا نشيل الحكومة
- الشاطر يصرخ: لالا .. كدة يبقى كيرى انتصر والمعارضة كمان والشعب
- العريان:بعد كدة مش هنعرف نكلم حد فى البلد دى وساعتها هنضيع يابديع
-المرشد: مرسى ورطنا وخلاص
-مرسى يخرج منديله القماش ويجفف عرقة ويتنهد: حسبى الله ونعم والوكيل
-الشاطر:مفيش غير حل واحد
-كل العيون تتابعه
-مرسى يرتعش ومنديله على وشه
فترة صمت: نكدب كل كلام _وينظر إلى مرسى _كيرى ونقول كل ده لم يحصل .. ماشى ؟ وأن ومرسى لم يقل هذا الكلام _
ويشير إلى مرسى _وانت شوية هبل على عبط على استعباط _ويضرب الطاولة _وشرف أمى دى آخر مرة سامع ؟
-مرسى يبص للأرض ويردد: أكيد آخر مرة !!