محمود العادلي يكتب: حاكم ....محكمشي ... حاجة

يُحكي أن ...أن إيه ...أن ( قراقوش ) ..أراد أن يحافظ على هيبته ...فأتصل ( بالمرشد ) ولي نعمته .... وطلب منه السماح ....بلقاء في أقرب صباح ...فرد عليه بعدم القبول ...لأنه اليوم مشغول ....وإن كان هناك ضرورة للقاء ..فمن الممكن أن يكون غداً في المساء .... بشرط ألا يكون فى الإجتماع نساء ....

فقال قراقوش : لن يكون معنا سوى باكي/ نام ....والأخ عبد السلام ...فهل عليها إعتراض ..قال المرشد ( بامتعاض ) : ماشي فهي ليست لها علاقة بالنساء المقصودة ... فعلاقتها بالنساء محدودة ...بحدود صفتها في بطاقة الرقم القومي ...وبمناسبة الرقم القومي..ماذا فعلت بخصوص الكام مليون بطاقة ...المطلوب تزويرها للأخوة والأخوات ....من المتحمسين والمتحمسات ...قصدى الحمساويين والحمساويات ...فرد قراقوش : دول ( في قلبي وعيني) بالذات ....فقد تم عمل البطاقات ... لتزوير الإنتخابات القادمة ...بطريقة ناعمة ....

*******

وفي اليوم التالي ... وبالتحديد في المساء ...تم اللقاء ....بين المرشد ..والشاطر والخايب ..وباكي نام ...ومعهم عبد السلام ....ودار هذا الحوار :

المرشد : أيه خير ياقراقوش ....أيه سبب إصرارك على هذا اللقاء . مش كل حاجة ماشية مظبوطة ..قراقوش : بصراحة أنا حاسس أنني مجرد ...سكرتير للجماعة في قصر الحكم .الشاطر : أسكت بلاش وكاسة .. أنت عارف جلوسك في الرئاسة ..مكلف الجماعة كام مليون جنيه قراقوشي ...قراقوش : أنا عارف أنه كلف الجماعة ...أكثر من نصف مليار جنيه قراقوشي ...لكن أعمل أيه ...في اللي بيحصل في البلد ..أنتم بتقولوا لي حاجة ..وأنا بأشوف حاجة تانية...الشاطر: قصدك أيه .قراقوش : يعني مثلا ..روحت الوجه القبلي للمدينة ...وجدت الناس حزينة ...ورافضة حكمنا ....بالتلاتة ...ده غير اني أتكسفت ...لما عرفت ...أن المشاريع اللى أفتتحتها ..كانت مشاريع قديمة ....والحاكم اللى قبلي كان أفتتحها قبل كده ...يعني انا بافتح في المفتوح ...· المرشد : حكم أيه ...اللى أنت جاى تقول عليه ....أنت عارف قبله معنى الحكم ايه ... لما تتكلم عليه

الشاطر : أسمع ياقراقوش ...المشروطة محطوطة ....وأحنا ياقراقوش ..مضحكناش عليك ... قلنا لك ...قبل ما تجلس على كرسي الحكم ..إنك مجرد مندوب لنا في قصر الحكم .. يعني نرسل لك القرارات المطلوب توقيعك عليها ..توقع من غير ما تقراها ...وإن قراتها ....لا تناقشها ...وأن ناقشتها ....تناقشها علشان نقول لك ..تبررها أزاي للشعب ..مش عشان تعترض عليها ...باكي / نام : يعني معنا كده أنه يبقى ( حاكم محكمشي حاجة ) ...زي شاهد مشفشي حاجة ...المرشد : بالظبط كده .... يا باكي / نام · عبد السلام : ياقراقوش ..انت زعلان ليه .. ما أنت قاعد ...واكل ..نايم ... بتفترج على التليفزيون ......وما بنعملشي إلا شوية بروتوكلات ..ومقابلات ...و صورك في كل وسائل الإعلام في العالم ....وأولادك مبرطعين في البلد ....ولا ولاد أكبر وأعظم ملك في العالم ...ده غير بقية عيلتك محتلة كل القصور .. وعملاها ميغة ..· قراقوش : بس ماتنسوش أن البلد كلها شايطة منى (أنا) رغم أنني لا أحكم ولا يحزنون ...عامل زي الكذاب في الزفة ....· المرشد ( موجها كلامه للشاطر) : ...قل له أحنا بنعمل أيه عشان نثبته في كرسى الحكم .الشاطر : تعرف ياقراقوش ... أننا بنتعمل مع كل العصابات ...والمجرمين ...في المدينة وخارج المدينة ...عشان نثبتك في الحكم ...وأحنا بنصرف على كل المجرمين والجهاديين ...وزملاءنا وأخونا في السجون .....عشان يبقوا قوة إحتياطية ...الخايب : قوة إحتياطية ....لأيه ؟· الشاطر : قوة إحتياطية ....تدعمنا ...عشان ...لو العسكر ..أنكسر أو خلىّ بقراقوش ....أو لو الشرطة .....تخلت عنه ....لدرجة أن أحنا ...بنصدر لهم قماش عشان يعملوا ( زي ) الشرطة والعسكر.... بتوع مديتنا ...ويدخلوا فيهم ...ويقلبوا الشعب عليهم ....· قراقوش : معقول كل ده وأنا مش واخد بالي .· المرشد : ماتساش أننا تنظيم دولي ...بيعمل بطريقة العصابات ...والمافيا العالمية ...يعني لو فكرت أنك تخونا ..أو تستغنى عنا .....انت عارف هيكون مصيرك أيه ..· عبد السلام : هتبقى المرحوم قراقوش ..فاهم · قراقوش : فاهم ......فاهم ..حاضر ... ويهمس في سره : أنا اللى جبتوه ده كله لنفسي ... أنا اللى جبتوه ده كله لنفسي ... أنا اللى جبتوه ده كله لنفسي... أنا الليييييييييييييي (ويغمي عليه ) · فيتدخل كبير الشمرشجية قائلا : سيبوه هو هيفوق لوحده ...ما انتم عارفين أن العملية اللى عملها في نافوخه في الخارج مأثرة عليه ....وبيغمى عليه باليوم واليومين ....لدرجة أن الشعب بيفتكر أن قرقوش مطنشه ...وهو ياعيني عليه ... بيكون في غيبوبة .....· الشاطر : صحيح ....(ويهمس للمرشد قائلاً ) ..وفي حالات كتيرة ..بيبقى مستني الأوامر ...مش كده يافضيلة المرشد .· المرشد ( بزهو ) :طبعا .هو بيقدر يتحرك ..من غير أوامرنا ....ده أنا عندى تكليف من الله بحكم هذه البلاد...

******

وتبقى كلمة :

1- الشعب لن يرحم ...الحاكم ... الذي يبيعه ....لدولة أجنبية ..أو لجماعة إرهابية .. أو منظمة جهادية .

2- إذا كانت الجماعة بتدافع عن (حرم ) مقرها الرئيسي ....فالشعب المصري لن يسامح في الاعتداء على ( حرمة ) النساء ..اللواتي ضربن على مرأى ومسمع من وسائل الإعلام في العالم .

3- ( أبو العيال) ..اللى عمل نفسه شهم ..وضرب ( ست البنات ) ..بالقلم ..على أعتاب مقر جماعة منحلة غير شرعية .....عليه أن يفهم ...أن شهامة المصري ..لن تغفر له هذه الإهانة ... الموجهة لكل رجال مصر الشرفاء ...

4- إذا كان أحدهم قال : ( أنا مكلف من الله ..بعدم الرد على أمثالك ) ..فعلينا أن نحمد الله على أنه مش مكلف بحكم مصر ...وإذا زعم ذلك ..فليدعوا الجميع ( اللهم لا نسألك رد القضاء ...ولكن نسألك اللطف فيه ) .

5- لاصحة لما يقال بأن المراكب المصرية لها أكثر من ريس ..مش كده يا ريس ياحنفي...مش هتنزل المرة دي....بس يكون في علمكم المرة الجاية ... لا يمكن تنزل أبداااااااااااااااااااااا.