STATUS&TWEETS

أحمد الصباغ: لقيت جارتنا ذات ال 23 ربيعاً واقفة فى البلكونة ومش بتنتخب .. وصممت أخدها معايا عشان ما تكسلش وهى مندهشة لإننا ما اتكلمناش مع بعض قبل كدة .. قولت لها صوتك أمانة ومصر بتناديكى .. بصت حواليها بسهتنة كدة .. قولت لها لأ ما هى مصر مش هنا .. تعالى نروح لها سوا .. وجت معايا وكانت مكسلة وعايزة ترجع فاضطريت اعزمها على حاجة ساقعة فى الطريق عشان ما ترجعش .. وما رضيتش تكمل غير بعد ما وعدتها بعزومة سينما .. الواحد قد ايه بيتكبد المشقة عشان مصر .. هههههه
براء أشرف: سواق التاكسي قال التالي: أنا انتخبت شفيق، لان مثله الأعلى مبارك..قلتله : طب وانت كان عاجبك الحال أيام مبارك؟قال: طبعا لأ، بس لأنه كان تلميذ مبارك فأكيد هيحاول يتفوق على أستاذه ويعمل حاجات كويسة..قلت: طب ليه مش عمرو موسى، هو كمان تلميذ مبارك؟..قال : بس تلميذ فاشل، بدليل ان الأستاذ مكانش راضي عنه وطرده برة الفصل.
يمنى خالد عبد الله: النهاردة فى اللجنة لقيت زعيق وهيصة ..وكل دة بسبب ست كبيرة فى السن ترفض وضع أصبعها فى الحبر بعد الإدلاء بصوتها, و تقول: «أنا حروح أعمل محشى «.
أحمد الساعاتي: لما شوفت صورة لحمدين صباحى وهو بيتوضا مشيرها واحد عندى وكاتب تحتها (عشان كدة هختار حمدين) انتابتنى نوبة عاصفة من الإباحة وهاجمتنى مشاعر متناقضة من قلة الأدب وحنيت لأيام السفالة واشتقت لأيام طولة اللسان .. بس احترمت حرمة الوضوء وسكت .. ودعيت فى قلبى: اللهم لا تهزم الثورة على أيدى أغبيائها.
سماء شاكر فؤاد: أسماء الزوجات في تليفونات الأزواج : مرحلة الخطوبة:1- MY Love2 - بيبي3 - حياتي4 – عمري..مرحلة شهر العسل:1. عيوني2. قلبي3. ميمي (اسم الدلع) ...عندما يصبح عندهم طفلان:1. أم فلان 2.البيت.. بعد 5 سنوات زواج:1_المحقق كونان 2- الحكومة 3- المخابرات 4- غلطة عمري 5- أعوذ بالله من الشيطان ..