ابن مرسى يتفوق على الملكة إليزابيث فى الإنجليزى و جيتس فى الكمبيوتر

على غرار مقولة فؤاد المهندس في مسرحية سك علي بناتك «على يدى».. نشر شباب «فيس بوك» .. صورة أحد المشاهد للفنان الكوميدى الراحل وقالوا ان ابن الرئيس مرسي استطاع دون وساطة ان يجتاز اختبارات وزارة الطيران في الكمبيوتر والانجليزي بشهادة الملكة اليزابيث و بيل جيتس.
«فيتو» ترصد التعليقات الساخرة على تعيين نجل الرئيس فى الطيران المدنى..
محمد سرحان: كل ده عشان مبعرفش أقول ضرانك وضرايفينج؟ :
طارق عيسى : لما تعرف ان وزير الطيران بيقول ان ابن مرسي متفوق في الانجليزي والكمبيرور وهنديله مرتب جامد .. علي يدي.. الملكة اليزابيث كانت قاعدة هنا.. و بيل جيتس كان قاعد هنا ..هي تقول دا بيتكلم احسن مني ..وجيتس يقول ان الواد ده استااااذي.
عبير الهنداوي: وزير الطيران: نجل مرسي تفوق في الانجليزي والكمبيوتر ولم نجامله بالتعيين .. طالع لأبوه ربنا يحرسه.
شرف الورداني: تسعة و تسعين في المية من المصريين بيعرفوا انجليزي وحاسب آلي مش لاقيين ياكلوا.. وابن مرسي بيتعين ب38 الف جنيه شهريا سبحان الله.. لا سحر ولا شعوذة.
لمياء البحار : ابن مرسى العياط حاصل على «بكالوريوس» تجارة من جامعة الزقازيق بتقدير عام «جيد» دفعة 2012...فعلا مؤهلات عظيمة ما شاء الله.
صفحة «لا تجادل ولا تناقش انت اخوانجى»: أدعو كل شاب مصرى خريج كلية تجاره دفعة 2012 وما قبلها بتقدير عام جيد أن يقاضى الشركة القابضة للمطارات والملاحة والمطالبة بحقه فى التعيين.