هو وهي

هو
■ مين أكتر واحدة حسيت إنها فتاة أحلامك؟
- حبيبتى.. من سكنت قلبى.. هى فتاة أحلامى.
■ إمتى حسيت إنه ما فيش فايدة؟
- أول سنة بالجامعة.
■ وإمتى حسيت إنك تفوت فى الحديد؟
- لما نجحت فى أول سنة، حسيت إنى خلاص مش هيقف قدامى أى حاجة.
■ إمتى انكسرت؟
- لما رسبت فى مادة الكيميا، الدكتور كان ظالم.
■ مين تحس إنك قويت بيه؟
- الشخص الوحيد هو حبيبتى، هى اللى بتعيدلى قوتى، وترجع العزيمة ليا، عشان أكمل مشوارى اللى ابتديته.
■ بتحب تقرأ إيه فى الجرايد؟
- صفحة الإعلانات المبوبة.
■ لو حياتك فيلم هتخلى عنوانه إيه؟
- نصيبى بالدنيا.
■ ولو تقدر تغير فيها هتغير فيها إيه؟
- هاغير حاجات كتيرة، أهمها كنت درست فى جامعة تانية.
■ تفتكر مين أكتر واحد بيحبك فى الدنيا كلها؟
- أكتر واحد بيحبنى هو اللى فدانى بروحه، وقدم لى الغالى والرخيص وقدم لى نفسه هدية، حبيبتى.
■ مين بيحقد عليك؟
- كتير.
■ لو هتقول لمامتك حاجة عن طريق الجرنال هتقول لها إيه؟
- باحبك يا أحلى ماما بالكون.. ربى ما يحرمنى منك.
■ إمتى الراجل يبقى راجل؟
- لما تتسمع كلمته على الصح من أول مرة

هي
مين أحلى بنت شفتيها فى حياتك؟
- أميرة أختى.. رغم إنها مش أحلى بنوتة فعلا بس هى أحلى بنوتة فى عينى.
■ إمتى حسيتى إنك قوية؟
- زمان، يمكن من ساعة ما كنت باخد صدمات كتير، كانت الأول بتهدنى، لكن بعد كده بقيت شرسة جدا.
■ إمتى انكسرتى؟
- كتير، وناس كتير كسرتنى، من كل واحد كان بيتعامل بقلة ذوق.
■ مين اللى تقوليله إنك اديتنى قوة؟
- جوزى، مهما حصل بيننا فهو فعلا مصدر قوتى.
■ بتحبى تقرى إيه فى الجرايد؟
- صفحة الحوادث، وكمان كنت باقرأ الجورنال من ورا لقدام بس مش عارفة ليه كنت باعمل ده.
■ لو حياتك فيلم هتسميه إيه؟
- الغريبة.
■ طب لو هتغيرى أحداث حياتك هتغيرى إيه؟
- حاجات كتير.. لكن من ضمنها واللى جاى على بالى دلوقت عدم دخولى امتحان القدرات بتاع فنون جميلة وأقنع بابا مايسيبش شغله.
■ تفتكرى مين أكتر واحدة بتحبك؟
- أمى.
■ اتبرعتى بدمك قبل كده؟
- م حصلش، بس نفسى