السيسي: لو المظاهرات تبني مصر هنزل الشارع ليل نهار

قال الرئيس عبد الفتاح السيسي: "أنا معنديش حاجة أخبيها، ولا أخاف منها، ديه بلدي وأنا هحميها، فإحنا لن نتوانى عن حمايتها والحفاظ عليها، وأرجوا لما نيجي نتكلم عن مصر، نحطها في سياق المنطقة اللي إحنا عايشينا فيها، وشوفوا الشعوب راحت فين وبتروح فين، مين كان هيقف جانبا ويوفر ل100 مليون دول متطلباتهم، وأنا بتكلم بمنتهى الصراحة، مين كان هيعوض علينا التأخير والنقص لحالة عدم الاستقرار، مع الوضع في الاعتبار إننا كنا متأخرين أوي قبل كده، الناس هتتكلم بس وتطبطب علينا بالكلام، لكن ماحدش هايجي يقولك طيب تعالى نعوض بقى الخسارة اللي أنتوا خسرتوها".
جاء ذلك افتتاح 12 مشروعا قوميا بالإسماعيلية ووسط سيناء، اليوم الأحد، أبرزها أنفاق قناة السويس، ومدينة الإسماعيلية الجديدة، وذلك في إطار خطة التنمية الشاملة للدولة.اقرأ أيضا| السيسي عن الإجراءات الاقتصادية: المصريين يستحملوا أكتر من كدهأضاف: "إحنا خسرنا من 2011 مليارات من الدولارات، خسارة اقتصادية وأمنية،
جاء ذلك افتتاح 12 مشروعا قوميا بالإسماعيلية ووسط سيناء، اليوم الأحد، أبرزها أنفاق قناة السويس، ومدينة الإسماعيلية الجديدة، وذلك في إطار خطة التنمية الشاملة للدولة.
أضاف: "إحنا خسرنا من 2011 مليارات من الدولارات، خسارة اقتصادية وأمنية، مين كان ممكن يقوم بالدور ده معانا، أه الأشقاء عشان برضوا بسجل ده، وقفوا معانا وساعدونا في الأول لأننا كنا في حالة يرثى لها، لكن دلوقتي لازم نعتمد على أنفسنا ولن نعتمد على أنفسنا إلا لو كان فيه استقرار وهدوء".
وذكر: "بقول تاني لو كانت المظاهرات تبني مصر، أنا هانزل بالمصريين نقف في الشارع ليل نهار عشان نبني مصر، لا البلاد بتتبني بالعمل والإخلاص والاستقرار والسلام والجهد والعرق، وإحنا بنعمله وإحنا بندفع دم في مواجهة الإرهاب".