علق الإعلامي عمرو أديب مقدم برنامج الحكاية الذي يذاع على قناة mbc masr، على خسارة فريق الأول لكرة القدم بالنادي الأهلي أمام صن داونز بخماسية نظيفة في ذهاب ربع نهائي دوري أبطال إفريقيا، حيث قال: «إيه المشكلة أن الأهلي يخسر 5، بتحصل في نوادي كبيرة، وحصلت في البرازيل لما خسروا 7»، ساخرًا: «يظهر لعنة الأهلي مش بتمشي في إفريقيا، وجامايكا مش شغال في إفريقيا». وأبدى مقدم برنامج الحكاية، خلال برنامجه، مساء اليوم السبت، دهشته من ربط البعض بين خسارة النادي الأهلي ومصر، قائلا: «هو إيه علاقة الأهلي بمصر.. ده ماتش كورة، انزلوا تحت شوية، وبشويش واهدوا». وأضاف أديب خلال برنامجه قائلًا: «ليه الأهلاوية مش عاوزين حد يكلمهم لما يخسروا، ويقولولك لو سمحت إحنا اتغلبنا 5 مش عاوزين حد يكلمنا". وتابع: "ياعم أهدى في ايه.. الرموز الأهلاوية لما الزمالك أتغلب من صن داونز 3-0 قالولنا أبقوا تعالوا وإحنا نعرفكم ماتشات إفريقيا بتتلعب إزاي؟ إنما النهاردة لما الأهلي وأضاف أديب خلال برنامجه قائلًا: «ليه الأهلاوية مش عاوزين حد يكلمهم لما يخسروا، ويقولولك لو سمحت إحنا اتغلبنا 5 مش عاوزين حد يكلمنا". وتابع: "ياعم أهدى في ايه.. الرموز الأهلاوية لما الزمالك أتغلب من صن داونز 3-0 قالولنا أبقوا تعالوا وإحنا نعرفكم ماتشات إفريقيا بتتلعب إزاي؟ إنما النهاردة لما الأهلي يتغلب 5 مفيش حتى دعابة مفيش حتى فيلم لعادل أدهم ويونس شلبي وهو بيقوله دول كام ودول كام». وواصل أديب تعليقه: «خدوها كول، الزمالك بيتغلب، وبناخد الأمر بصدر رحب، هو ليه بتشوفوا إن حد لما يقول كلمة على الأهلي يكون صهيوني، وخاين». كان الأهلي قد تلقى خسارة كبيرة من نظيره صن داونز الجنوب إفريقي، بخماسية نظيفة، في اللقاء الذي جمع بينهما عصر السبت في ذهاب ربع نهائي دوري أبطال إفريقيا.