السيسي: إنشاء أكبر محطة معالجة وتحلية للمياه في تاريخ مصر

قال الرئيس عبد الفتاح السيسي، خلال افتتاحه عددا من المشروعات التنموية، بمدينة العاشر من رمضان، اليوم الاثنين: "من 4 سنين اتكلمنا عن مشروع بناء مليون وحدة سكنية في مصر، وكان الرقم تحدي لإنه كبير، وناس كتير قالت مش ممكن نقدر نعمل الرقم ده في 4 سنين بس، وبمنتهى التواضع ممكن أقول 250 ألف وحدة سكنية موجودين مذكرناش اسمائهم في مشروعتنا، وغيرهم، حتى مشاريع الكباري والأنفاق حرصنا على عمل أقصى معدل ممكن".
وتابع: "الهدف من إننا نعمل وبسرعة، إننا نلحق قبل زيادة الأعباء والتكلفة علينا مع مرور الوقت، وده حصل بنسبة كبيرة.. محطات المعالجة والتحلية المواطن هيقول وهستفيد إيه منها، أوعى تتصور أن اللي بيتعمل ملكش فيه مصلحة مباشرة كمواطن، أحنا بنعمل أكبر مشروع في تاريخ مصر لمعالجة مياة الصرف والتحلية، مش عاملين الكلام ده للرفاهية بنعمل عشان نحل مسألة، لأن مش هنسمح أنه يبقى فيه مشكلة مياه في مصر، بنعمل اللي علينا كمصريين وكدولة وحكومة وقيادة مش بالحفاظ على الحصة فقط، ولكننا نعظم ما نستفيد فيه من الحصة".
واستكمل: "معالجة المياة هتكون ثلاثية، وهتبقى من غير أي مشكلة على صحة المواطن".