أحمد فهمي: «دخلت في نوبة اكتئاب بسبب وفاة كلبي»

قال الفنان أحمد فهمي، إنه يُحب الحيوانات للغاية، لافتًا إلى أنه كان يهرب من مدرسته للذهاب إلى حديقة الحيوان، مستكملًا: «دي كانت أكتر متعة ليّا، وكنت بشوف حاجات قاسية جدًا، زي إن الأطفال بتحدف حيوان ما بالطوب، إحنا كمصريين بنعامل الحيونات بقسوة جدًا».
وأضاف فهمي، خلال حواره مع الفنان أشرف عبد الباقي، ببرنامج «عيش الليلة»، عبر فضائية «DMC»، السبت، «كنت بقضي فترات طويلة مع الكلاب في البيت توصل ل15 يوم متواصلين مش بتكلم مع بني آدم، أمي كانت تجيلي البيت تقولي نوديك لدكتور، أقوله أنا مُتعايش ومبسوط».
تابع: «أنا عندي 5 كلاب في البيت، ولسه من أسبوع الكلب بتاعي توفى وبسبب موته دخلت في نوبة اكتئاب.. كان أكتر حد صاحبي، الكائن الوحيد اللي بيحبك بدون أي سبب، هو عايز بس تبقى أنت مبسوط».