دينا الشربيني: «ولا مرة فكرت في ارتداء الحجاب.. ربنا يهديني»

قالت الفنانة دينا الشربيني، مساء أمس الأربعاء، إنها لم تُفكر من قبل ولا مرة في ارتداء الحجاب، لافتةً إلى أن ارتداءه لا يعبر عن حقيقة التدين.
وأضافت دينا، خلال حوارها ببرنامج "فحص شامل"، مع الإعلامية راغدة شلهوب، عبر فضائية "الحياة": "أنا مش بعمل حاجة غير وأنا مقتنعة بها، خاصةً أما تبقى متعلقة بديني، مش بكون فاهمة خالص اللي تتجوز حد وهو يقولها تتحجب.. لأ إنتي لازم تكوني مقتنعة.. تعملي كده بس عشان ترضي ربنا أو عشان تكون مرتاحة".
وتابعت: "دي حاجة متتطلبش، والستات اللي بتعملها عشان أزواجها مش بيكونوا مقتنعين، وعشان كده بيخلعوه".
واستكملت: "أنا ولا مرة فكرت في ارتداء الحجاب، يمكن ربنا يهديني الله أعلم، الهداية بتاعت ربنا، لكن أنا مافكرتش قبل كده في الحجاب".
واستطردت: "أنا مقتنعة بأن الشكل واللبس تدل على القرب من ربنا أو لأ، وأنا بتكلم عن نفسي بس، وكلمة ربنا يهديني دي أنا بشوفها كلمة حلوة أوي، يا رب أقرب لربنا كل يوم عن اللي قبله".